Item vanden stoote opverstaen ende gereze(n) tusschen henricke van/ bruysten geheten van belanden(en) voe(r) hem en(de) yden zijns wijfs in deen zijde/ en(de) gelden van ophem geheten van belanden(en) voe(r) hem en(de) henricke/ zijnen sone die hij hier inne geloeft heeft te v(er)vanghen in dande(r)/ alse van zeke(re)n haefliken gebreken en(de) dissencien van woorden/ en(de) wercken die zij deen metten ande(re)n mochten hebben oft tussche(n)/ hen mocht uutstaen tot opden dach van heden So hebben he(n)/ de selve p(ar)tien bij raide van hue(re)n vrienden gesubmitteert in/ segge(re)n en(de) vriendelike erffene(re)n effene(re)n te weten(e) in brued(er)/ gielis vanden broeke en(de) brueder mathijse van pile (con)v(er)se/ sgodshuys van gruenendale en(de) gerard(e) van baussele secret(aris) d(er) stat/ van loven(en) in sulker voeghen So wes de vors(creven) p(ar)tien drie/ p(er)sone hier af bynnen derden daghe naestcomen(de) zullen/ eendrechtelic uutspreke(n) dat hebben geloeft de vors(creven)/ p(ar)tien o(n)verbrekelic te houden cor(am) iud(oco) abs(oloens) willem(air) febr(uarii) viii