SAL7345, Act: V°238.2 (402 of 627)
Search Act
previous | next
Act V°238.2  
Act
Date: 1452-02-16

Transcription

2020-03-20 by Chris Picard
It(em) jan vande(n) huffle p(ro)cur(eur) en(de) brued(er) jan duc (con)vers vande(n) goidsh(uys)/
vanden roedencloeste(r) in zonie(n) inde(n) name en(de) va(n) wege(n) des voirs(creven)/
goidsh(uys) in deen zijde ende ja(n) va(n) assche cuyp(er)e in dande(r) die/
tot de(n) dage va(n) hede(n) seke(re)n stoot underlinge(n) hebbe(n) gehadt Indien/
dat de voirs(creven) p(ro)cur(eur) ende co(n)vers meynden dat tselve goidsh(uys) op/
thuys en(de) thof des voirs(creven) jans va(n) assche gelegen inde borchstrate/
op de dile ald(aer) hadden en(de) sculdich waren te hebben erflijc een/
guld(en) vrancr(ijcx) crone goet van goude ende zwaer va(n) gewichte(n) en(de)/
de voirs(creven) jan meynde de(n) selve(n) goids(huys) d(aer) af niet meer dan xviii stuv(er)s/
tsjaers sculdich te wesen sijn comen in jege(n)woirdich(eit) d(er) scepen(en) va(n) lov(en)/
h(ier) na genoemt bekinnen(de) dat de voirs(creven) vanden goids(huys) vande(n) roede(n)cloest(er)/
va(n) nu voirtane op de voirs(creven) goede des voirs(creven) jans erflijc sele(n) hebbe(n)/
een guld(en) crone te xxi stuv(er)s stuc en(de) niet meer die de voirs(creven)/
jan va(n) assche sal moege(n) quite(n) altijt met xx gelike(n) [crone(n)] alst he(m) gelieft/
en(de) met volle(n) chise Bekinnen(de) de selve p(ro)cur(eur) en(de) (con)v(er)s va(n) wege(n)/
des voirs(creven) goidsh(uys) inde(n) voirs(creven) goede(n) niet meer rechts te hebbe(n) noch te/
behoude witte col(onia) febr(uarii) xvi[ta]
Contributorskristiaan magnus
Moderated bykristiaan magnus
Last update: 2016-03-22 by Jos Jonckheer