Item vanden gedinge dat voe(r) meye(r) en(de) scepen(en) van loven(e)/ geweest is tusschen h(er) symoen pynnock ridde(r) in deen zijde/ en(de) lauwereis van wynge die geleit is totten goeden/(christ)iaens wilen meys in dande(r) alse van eenen pertcore/ die de vors(creven) h(er) symoen op seke(r) goede den voirs(creven) wilen (christ)iane/ toebehoe(re)nde te libbeke gelegen meynde te halen met/ sympellijc zijn behout dair af alhier inde banck te/ doene ende dat om deswille dat de vors(creven) (christ)iaen wilen/ dat in sijne(n) leven(e) ter p(rese)ncien vand(en) vors(creven) lauwereise hadde/ overgegeve(n) Vande(n) welcken de vors(creven) lauwereis hielt de/ contrarie en(de) meynde dat niet voerd(er) ov(er)gegeven en/ wert dan dat de vors(creven) h(er) symoen alhier inde(n) banc al doen/ soude dat hij inde banc te libbeke doen soude moeghe(n)/ des hij hem thoenisse v(er)mat Wert gewijst bijden he(re)n/ scepen(en) van loven(e) ter manissen smeyers geliefde den vors(creven)/ h(er) symone inde banc alhier vort te vae(re)n gelijc hij/ bij volcomen(en) processe inde banck te libbeke soude/ moege(n) doen nae dov(er)gheve(n) des vors(creven) lauwereis dat/ hij dat dade met rechte p(rese)ntib(us) o(mn)ib(us) scab(inis) dempto cole(n)/ nove(m)br(is) xxiii