Item de voirs(creven) p(er)sone sullen hen metten voirs(creven) brieve moegen/ doen beleiden tot allen den haefliken goeden m(ijn) he(re)n van salme(n)/ voirs(creven) en(de) niet voerder en(de) als dat beleit also gedaen sal zijn/ so salmen den beleit brief en(de) schoutbrief geven m(ijn) here/ van salmen en(de) niemande anders oft zij sullen te zijne(n)/ behoef bliven liggende soe lange alst hem gelieft onder/ scepen(en) van loven(en) en(de) te niemans and(er)s behoef behoudelic/ dien datmen den geleiden altijt alst noet sal wezen mette(n)/ selven brieve behulp doen sal van rechte om de selve/ haeflike goede te bescudden en(de) in allen saken te v(er)antw(er)den/ en(de) niet voerd(er) en sullen hen die geleide moeghen/ behulpen noch voerd(er) doen leiden cor(am) eisd(em)

It(em) m(ijn) he(r) van salme(n) heeft geconsenteert dat ja(n)nes opde(n) berch hem/ metten voirs(creven) scoutbrieve sal doen beleyden tot m(ijn) he(re)n haefliken goede(n) en(de) dat/ hij met dien beleide sal moege(n) doen en(de) vorde(re)n alleene des de selve ja(n)nes en(de) ja(n)nes/ rekeni(n)gen tsame(n) te voe(re)n soude(n) hebbe(n) moege(n) doen en(de) niet voerder Bij also nochta(n)/ dat des selfs ja(n)nes opde(n) berch vorderinge in absen(tie) m(ijns) he(re)n voirs(creven) gescien sal en(de) gevordt/ worde(n) bij wete(n) v(er)sueke en(de) (con)sente m(ijn) vrouwe(n) va(n) salme(n) en(de) and(er)s niet en(de) tvoirs(creven) beleit/ altijt blivende onder scepen(en) va(n) loeven(en) gelijc en(de) opte (con)dicie dand(er) beleit d(aer) mede/ de voirs(creven) ja(n)nes en(de) ja(n)nes/ geleit war(re)n te voe(re)n/ stont en(de) noch steet/ Act(um) no(vem)[br(is)] xvi/ a[(nn)o] xiiii[c] lii