SAL7345, Akte: V°224.3 (370 van 627)
Akte V°224.3
Act
Datum: 1452-02-03
Transcriptie
2019-07-31 door Chris PicardAlso stoot opv(er)staen was tussce(n) jannese va(n) hondshe(m) die geleit/
es tot de(n) goede(n) diericx wilen va(n) santhove(n) en(de) oec in so(m)mige/
vande(n) selve(n) goede(n) gegoet en(de) geerft met en(de) bij consente en(de)/
wille van jouffr(ouwe) margriete weduwe des voirs(creven) wile(n) diericx/
in deen zijde en(de) henr(ic) wyna(n)ts als erfgename also hij meyndt/
des voirs(creven) wile(n) diericx ter ande(r) o(m)me der selv(er) goede(n) wille d(aer) af/
de so(m)mige zijn leene e(n)nige chijse eyge(n) goede en(de) have So/
zijn de voirs(creven) p(ar)tie(n) te(n) ut(er)sten van sinne geweest o(m)me te scuwe(n)/
de meeste cost en(de) rigoe(r) dat de leengoede sele(n) staen en(de)/
blive(n) ter natuere(n) vande(n) rechte d(aer) ond(er) die hove(n) en(de) gelege(n) zij(n)/
En(de) alse vande(n) chijsgoede(n) eyge(n) goede(n) en(de) d(er) have(n) also wale/
die gecome(n) mach zijn vande(n) leengoede(n) alse vande(n) andere(n)/
d(aer) af sal dbeslicht staen inde(n) raet vand(er) stad om va(n) dien te/
gescien des de selve raet aengehoirt de redene(n) va(n) beyde(n)/
zijde(n) d(aer) af va(n) bescheits wege(n) uutspreke(n) en(de) t(er)mine(ren) sal te/
gesciene Dwelc de voirs(creven) p(ar)tie(n) alsoe aengenome(n) en(de) toe/
geseecht hebbe(n) tacht(er)volgen en(de) voir de(n) rade vand(er) stad te/(com)pare(re)n va(n) morge(n) ov(er) xiiii nachte(n) naestcomen(de) te mistide op/
dat zijs hie(re)nbinne(n) niet en ov(er)come(n) Actu(m) cor(am) jasp(ar) abs(oloens) burg(imagistro)/
lye(ming)[en] scabino et pl(ur)ib(us) aliis febr(uarii) t(er)cia
Nagekeken door: kristiaan magnus
Moderator: kristiaan magnus
Laatste update:: 2016-03-22 door Jos Jonckheer