It(em) de portier tsgoidsh(uys) va(n) sinte mychiels binne(n) antwerpe(n) in deen/ zijde en(de) gielijs sand(er)s sijn brued(er) in dande(r) die op hede(n) come(n) ware(n) te/ loeven(e) om malcande(re)n te voldoen en(de) volcomelijc tacht(er)volge(n) alsoe v(er)re/ alst hier ind(er) stad behoirt gedaen te zijne alsulke(n) tractaet als ande(re)n/ wilen voir de(n) rade vand(er) stad tussce(n) die voirs(creven) p(ar)tien aengaen(de)/ den goede(n) gehete(n) bane(n)sande (et)c(etera) hebbe(n) uutgesedt de sake tot des/ dijssend(achs) na beloken(en) paessche(n) naestcomen(de) om alsdan tsavonts inder/ herberge(n) te sijne ende des ande(re)n daighs metter sake(n) voirt te vare(n)/ also behoire(n) sal Bij also dat de voirs(creven) p(er)sone te beyde(n) zijde(n) hebbe(n)/ toegeseecht oft e(n)nich va(n) hen alsdan starck genoech niet en q(ua)me/ om te besoignere(n) dat hij des and(er)s cost comen(de) sal betale(n) en(de) sculd(ich)/ zijn te betale(n) het en ware dat hij goets tijts d(aer) gecundicht hadde/ oft hij nootsake te dien dage hadde en(de) eene(n) ande(re)n dach bynne(n)/ viii dage(n) d(aer) na gestelt om hier te come(n) abs(oloens) lynt(re) burg(imagistris) m(ar)tii x