It(em) want de scepe meye(r) en(de) scep(enen) des godshuys van haustirez te/ nodebais die opte goide des heilichs gheest van loven/ begonne(n) hadden voirt te va(r)en voir coste die sij d(aer) op eysscen(de)/ waren op heden bescreve(n) wa(r)en voir den raide vand(er) stat/ om of sij van hue(re)n eysche bescheit hadden dat bij te bringen/ en(de) sij niet gecompareert en hebbe(n) Soe is get(er)minert/ dat de heilege gheest d(aer) af ombelast sal blive(n) en(de)/ hue(r) goide tot dat sij d(aer)[af] den mombo(r)en yet af selen/ hebben gewonne(n) voir den raide vand(er) stat en(de) oft/ de voirs(creven) wethoude(re)n d(aer) op e(n)nige vorderinge t(er) contrarie(n)/ gedaen hadden of namaels daden dat sij dat afdoen/ selen Act(um) in (con)silio opidi aug(usti) iiii[ta]