Item al eest dat de voirs(creven) fabrike inden geheelen pacht vors(creven) gegoedt/ is loepen(de) ter so(m)men van iii(½) mudde rox tsjaers nochtan want/ de meestersen vand(er) selver fabriken maer drie mudden vanden/ selven pachte betaelt en hebben Soe sal de vors(creven) henric de grove/ oft de zijne dleste half mudde vanden lesten mudde inder/ guedinghen genoempt nochtan voertaen erflijc [moegen] heffen/ en(de) bliven heffende niet tegenstaende der vors(creven) guedinghen/ alsoe lange de selve fabrike van hue(re)n vors(creven) drie mudde/ van jae(re) te jae(re) wel betaelt wordt en(de) der vors(creven) fabriken/ niet en behoeft tot hue(re)n onderpande te gane want in/ dien gevalle oft dat behoefde soude tselve [half] mudde d(er) voirs(creven)/ fabriken mede volgen oft de vors(creven) henric oft de sijne soude(n)/ der selver fabriken altijt sonder last oft cost drie mudden/ corens erfpachts d(er) mate(n) van loven(e) moeten besorghen op goede/ ond(er)pande Daer de selve fabrike wael verwaert wae(r)/ alsoe nader stat van loven(e) gelegen [gelijc] als dese pande zijn gelegen/ en(de) al eest oic soe dat ind(er) vors(creven) waerscap de vors(creven) vi molevate(n) rox/ geruert zijn nochtan sullen de vors(creven) henric en(de) wouter en(de) hebben geloeft/ ongesundert die der vors(creven) fabriken af te doene soe v(er)re men naeden
//
onderscheide voirs(creven) bevonde dat de vors(creven) fabrike tot den hue(re)n niet gecome(n)/ en conde cor(am) eisd(em)