Item voerden raide vander stat quam clachtich met eendeel/ zijnder vriende lodewijc bollens woenen(de) te belanden(en) over wout(er)/ van prenteghem meye(r) te heverle dien hij inder stat vinden(de)/ aldaer te rechte bethoegh Daer hij seyde dat de vors(creven) wout(er)/ cortelinge comen wae(re) voer zijn dore en(de) hadden buyten tijts/ en(de) buyten uren geteent en(de) doen comen in een stuc bosch gelege(n)/ te belanden(en) Daer hijten comen(de) comen zijnde hadde aenveert en(de)/ onredelicke meshandelt hem opseggende dat hij corts dair/ voir te loven(en) zijnde en(de) staende inden huyse jacops vanden/ wayenberge gereelmake(re) en(de) op zijnen vloer hadde aenveert/ en(de) genomen vier oft vijf stuvers des selfs jacops die/ dair lagen Dwelc hij begheerde dat de voirs(creven) lodewijc aen hem/ inden name van zijnen heerscape soude bete(re)n en(de) eyss [yesch] hem/ daer voe(r) groete swaer so(m)men Seggen(de) den selven lodewijcke/ oft hij zijnen afcoep met hem niet maken en woude ende/ de vors(creven) saken lijden [oft] hij soudt hem wail dien avont tande(re)n/ plaetsen doen seggen Raden(de) hem dat hijs hem tusschen hen/ beyden afdade op dat hij in zijnd(er) ee(re)n mocht blive(n) daer/

op ten lesten verby der selver plaetsen daer zij tsame(n) wae(re)n quam/ gaende goert ve(re)nbruynen nagebue(re) des selfs lod(ewijx) dien de/ selve lod(ewijc) ryep en(de) bat hem opgebuerscap en(de) vrientscap dat/ hij hem hyelpe dat hij vanden meye(r) geraken mochte Daer/ de vors(creven) goert bij quam en(de) dair nae o(m)me herdde worde/ die de vors(creven) meye(r) den vors(creven) lodewijcke dair gaf en(de)/ om de meshandelinge des selfs meyers die den vors(creven) lodewijck(en)/ onder hem wierp Nochtan dat de vors(creven) lod(ewijc) der bancke(n) recht/ begheerde seggen(de) en(de) houden(de) dat hij altoes ter goed(er) fame(n)/ en(de) name hadde gestaen macte de voirs(creven) lod(ewijc) zijne(n) afcoep/ aende vors(creven) meye(r) want het scheen dat hij and(er)s niet van
//
hem geraken en conste o(m)me xvi pet(er)s die hij geloefde ts(in)t/ jans messe nu overleden te geven en(de) iiii peters die hij/ hem de vors(creven) meye(r) te(n) heyligen dede sweren dat hij die/ ter stont hem halen soude en(de) dair af en soude gheen/ vermaen comen Des hij hem ter stont de drie pet(er)s gaf/ en(de) den vierden soude hij hem ter stont gaen halen bege(re)nde/ dat de selve meye(r) die tselve gelt also onredelic/ en(de) sonder recht vb van hem hadde gecregen weder gave/ en(de) voert ontsloege vand(er) geloeften die hem vanden voirs(creven)/ xvi pet(er)s hadde gedaen en(de) woude hij hem aenspreken/ dat hij dat dade en(de) met rechte hij woude hem te/ rechte come(n) inde banc dair hij geseten was Op dwelc/ de vors(creven) wout(er) van prenteghem ontkynnen(de) inden yersten dat/ hij noyt pe(n)ni(n)ge van hem en hadde meynen(de) hem v(er)antw(er)den(de) meynde/ dat hij dat also niet doen en soude noch sculdich en wae(re) te doen/ Want hij hadde hem gep(rese)nteert d(er) banc recht te doene en(de) daer/ hadde de voirs(creven) lod(ewijc) gecoren de vors(creven) composicie voir trecht en(de)/ van dien en(de) van dat hij gheen gelt uuten hande(n) des vors(creven) lod(ewijx)/ en hadde gehadt en(de) dat hijten oic niet ombehoerlic getracteert en/ hadde Des gedroegh hem de vors(creven) meye(r) totter conden vand(en) voirs(creven)/ goerde ve(re)nbruyne(n) inden welcken he(m) de vors(creven) lod(ewijc) oic ov(er)gaf/ Also dat ten uut(er)sten bijden raide vand(er) stat rypelic aengehoert/ den vors(creven) goerde vande(n) bruyne(n) in al des hem de vors(creven) p(ar)tien totten/ selve(n) goerde gedroege(n) en(de) voert voer oogen geleeght al des hem/ ter voirs(creven) materie(n) mocht dienen getermijneert heeft voer reden(en)/ en(de) recht na des zij ind(er) zaken en(de) oic vand(en) aende(n) voirs(creven)/ goerde ve(re)nbruyne(n) bevonden dat de vors(creven) meye(r) gehouden sijn/ soude den vors(creven) lod(ewijcken) sijn voirs(creven) vier pet(er)s die zij bevonden dat/ hij gehadt hadde weder te geven en(de) daer toe vand(er) geloefte(n)/ vand(en) vors(creven) xvi pet(er)s tontslane en(de) oft hij hem dae(re)nteynden/ aentespreken heeft dat mach hij doen metten rechte/ P(rese)ntib(us) abs(oloens) lynte(re) burgim(a)g(ist)ris (et) plurib(us) aliis junii xxvii/