SAL7346, Act: R°30.3 (53 of 677)
Search Act
previous | next
Act R°30.3  
Act
Date: 1452-07-21

Transcription

2015-03-17 by kristiaan magnus
It(em) want ov(er) lange(n) tijt gescille opv(er)staen zijn geweest tussce(n) gorde vande(n)/
putte die als man en(de) mo(m)boir kat(tli)[ne(n)] herhenricx weduwe wile(n) jans/
vande(n) bossche na de(n) rechte d(er) stad va(n) loeven(en) geleit is tot alle(n) de(n) goede(n)/
beyde have en(de) erve jans lambrechts in deen zijde en(de) ruele(n) lambrechts sone/
des selfs jans la(m)brechts als geleit na de(n) rechte d(er) stad va(n) bruessel tot de(n)/
goeden des voirs(creven) zijns vad(er)s in dande(re) en(de) lang v(er)volch gedaen hebbe(n) op/
malcande(re)n vande(n) welke(n) zij niet en hebbe(n) geco(n)ne(n) accorde(re)n En(de) zij te(n) ut(er)ste(n)/
gewillecoirt en(de) same(n)tlijc ov(er)gegeve(n) hebbe(n) voir e(n)nige vande(n) rade vand(er)/
stad te willen staen en(de) na volge(n) tgene des goede ma(n)ne(n) d(aer) af segge(n) souden/
Met condicie(n) oft zij niet en v(er)leke(n) dat zij dan een segge(n) va(n) rechte/
hale(n) soude(n) voir den rade vand(er) stad So es ov(er)drage(n) en(de) geslote(n) bijde(n)/
volle(n) rade dat elc vande(n) voirs(creven) p(ar)tie(n) neme(n) sal twee goede ma(n)ne(n)/
dien zij hen sake(n) volcomelijc opdoen sele(n) va(n) alle(n) gescille(n) tussce(n) he(n) uut/
staende tot de(n) dage va(n) hede(n) De welke hue(re) uutsprake doen sele(n) same(n)tlijc/
op dat zijs eens zijn en(de) oft zijs niet eens geworde(n) en conne(n) sele(n) die/
segg(er)s de sake in gescrifte ov(er)bringe(n) gelijc die voir hen come(n) sal zijn D(aer) op/
de voirs(creven) stad hue(re) t(er)minacie en(de) uutsprake doen sal midts de(n) welke(n) de/
vors(creven) p(ar)tien v(er)accord(er)t sele(n) blive(n) P(ro)mitten(tibus) ratu(m) cor(am) lye(ming)[en] burg(imagistro) et aliis/
de (con)silio julii xxi a(nn)[o] lii/
ContributorsJos Jonckheer
Moderated byJos Jonckheer
Last update: 2015-03-17 by Jos Jonckheer