It(em) henrick muys sone henr(ix) wile(n) muys met wille en(de) (con)sente jans bovens/ die beleyt is totte(n) goede(n) have en(de) erve des selfs henr(ix) in deen zijde/ en(de) sohier sone jans ja(n)nart va(n) thorrebais lez beghinez in dande(re) die voirtijts/ getrouwt hadde katheline(n) weduwe henr(ix) wile(n) muys voirg(enoemt) moeder/ des voirs(creven) henr(ix) in dande(re) sijn eens w(or)den en(de) met malcande(re)n ov(er)come(n)/ alse vande(n) goede(n) bleve(n) acht(er) den voirs(creven) wile(n) henr(icken) muys en(de) kat(lijnen) boven/ wile(n) sijne(n) wive beruerlijc oft omberuerlijc ind(er) mate(n) en(de) forme(n) hier/ nae v(er)cleert die zij tot ewige(n) dage(n) malca(n)de(re)n voe(r) hen en(de) hue(re)n nacomel(ingen)/ geloeft hebbe(n) onv(er)brekelijc te houde(n) en(de) d(aer)af voird(er) ofts behoefde beh(oirlike)/ vestich(eit) te doen alsoe dat elke(n) va(n) hen genoech sal moege(n) weze(n)/ Inde(n) yerste(n) zijn sij ov(er)come(n) en(de) heeft geloeft de voirs(creven) henr(ick) muys te/ v(er)vange(n) marie(n) en(de) griete(n) sijn zuste(re) ond(er) huer dage wesen(de) dat zij te/ hue(re)n dage(n) come(n) sijnde des naebesc(re)ve(n) is acht(er)volge(n) en(de) va(n) w(er)de(n) houde(n)/ sulle(n) en(de) t(er) and(er) zijde(n) heeft geloeft de vors(creven) sohier je(n)nijne marie(n) ende/ kat(lijne) sijn kijnde(re) die hij oic heeft vand(er) vors(creven) wile(n) kat(lijne) te v(er)vange(n) dat/ sij te hue(re)n dage(n) come(n) soude insgelijx va(n) dese(n) genoech doen sulle(n)/ alsoe verre alst hen aengaen mochte Inde(n) yerste(n) zijn sij ov(er)comen
//
dat de voirs(creven) henr(ick) muys marie(n) en(de) m(ar)gr(ieten) sijne(n) zuste(re)n t(er) stont volge(n) sulle(n) de drie/ vierdegedeelte va(n) alle(n) de(n) omberuerlike(n) goeden die de voirs(creven) wile(n) henr(ick) muys/ en(de) katheline wile(n) sijn wijf vad(er) en(de) moed(er) va(n) hen tsame(n) in hue(re)n huwelike(n)/ stoele v(er)crege(n) en(de) de(n) voirs(creven) sohier en(de) sijne(n) kijnde(re)n tvierde vie(re)ndel te wat plaetse(n)/ die gelege(n) zijn oft hoese genoempt moege(n) wese(n) Ende alse vanden beruerlike(n)/ goede(n) acht(er) den vors(creven) wile(n) henr(icken) muys en(de) kat(helinen) gebleve(n) die de selve kat(hline)/ tot nu gehoude(n) heeft d(aer) ofs af zijn zij ov(er)come(n) dat de voirs(creven) sohier vanden/ p(or)cele(n) h(ier) nae genoempt Te wete(n) vande(n) bedde(n) [ee(re)n] potte(n) pa(n)ne(n) keetele(n) hebbe(n)/ sal de beste acht(er) der selv(er) kat(heline) sijne(n) wive gebleve(n) en(de) d(aer) nae sal va(n)/ elx de voirs(creven) henr(ick) muys voe(r) he(m) en(de) sijn zuste(re)n hebbe(n) de twee beste d(aer)naest/ en(de) d(aer) met te vrede(n) zijn en(de) vande(n) bedstede(n) [en(de) sc(ri)ne(n)] sal hebbe(n) [behouden] de voirs(creven) sohier de/ de beste en(de) de beste d(aer) naest sal insgelijx volge(n) de(n) voirs(creven) henr(icken) muys/ It(em) dbeste p(ar)t en(de) tpansier wile(n) henr(ix) muys sal ind(er) mate(n) als voe(r) volgen/ de(n) voirs(creven) henr(icken) muys ende h(ier) met sal de selve henr(ick) muys te vred(en)/ sijn va(n) alle(n) de(n) vliege(n)de(n) erve va(n) sijne(n) vad(er) en(de) moeder En(de) va(n) alle scoude(n)/ en(de) optichte(n) als zij deen totte(n) ande(re)n mochte(n) hebbe(n) also waele vanden/ l gul(den) pet(er)s die de kijnde(re) des voirs(creven) wile(n) henr(ix) muys meyne(n) moegen/ dat hen huer vad(er) in sijne(n) testame(n)te op sijn beruerlike goede die hij/ acht(er)late(n) soude ordineerde als and(er)s vande(n) xxiiii pet(er)s die de voirs(creven)/ kat(heline) bij hue(re)n nama(n) va(n) huerd(er) vorst(er) kijnd(er) erflich(eit) soude hebbe(n) gehadt/ en(de) and(er)s in e(n)nig(er) manie(re)n god(efrido) roel(ofs) ty(m)ple no(vem)[br(is)] xxiiii/