It(em) zijn bleve(n) de(n) voirs(creven) henr(icken) en(de) zijne(n) wive in huerre deilinge(n)/ de goede h(ier) na bescr(even) Inde(n) yerste(n) ii boende(re) wy(n)nen(ds) lants min/ viii roeden gelege(n) inde p(ro)chie va(n) halen inde hoeve van langdorp/ aende strate te bloeme(n)dale weerts gaende in deen zijde en(de) des voirs(creven)/ rifelarts in dande(re) It(em) i(½) zille en(de) xi roede(n) [lants] gelegen opt heesbroec/ tusscen de gruene grecht en(de) den goede(n) des voirs(creven) riflaerts It(em) (½) boend(er)/ en(de) xviii(½) roede(n) la(n)ts gelege(n) opde(n) haeck tusscen de(n) goede(n) henr(ix) van/ zwigerhoeve(n) en(de) de(n) goede(n) des voirs(creven) rifelarts It(em) (½) boender lants/ gelege(n) opt holrevelt tussce(n) derfgename(n) gheerts vande(n) dufhuyse/ en(de) jans royen erfg(enamen) It(em) een boend(er) [lants] min xvii roeden gelege(n) opde(n) dashovel/ tussce(n) de(n) goede(n) jans vander noot en(de) des voirs(creven) rifelarts It(em)/ drie zillen bempts gelege(n) ov(er) die ghete tege(n) shoeftenhof over neve(n)/ jans vand(er) noot en(de) die gheete neve(n) rifelarts cleyn bempdeke(n)/ It(em) een stuc bempts [houden(de) (½) boende(re) en(de) iiii roede(n)] afgedeilt vande(n) drinckelinge op de zijde neve(n) jans/ mychiels en(de) jans vande(n) vynne bempde in deen zijde en(de) rifelarts de/ pape in dande(re) It(em) drie sille(n) bempts min vi roede(n) gelege(n) neve(n) henr(icken)/ lane(n) huys en(de) hof in deen zijde en(de) rufflart de pape in dande(re) It(em)/ de ii vijfstegedeelte inde(n) [voirs(creven)] laethof also v(er)re he(m) dat toebehoirt/ gehete(n) arts mulde(re)n hof gelikerwijs art wile(n) va(n) timplours gelikerwijs/ vors(creven) dien aldaer met allen zijnen toebehoerten te gebruyken plach/ Item es tusschen den vors(creven) p(ar)tien in manie(re)n van erfvorw(er)den besproken/ dat zij te geliken laste van nu vortaen euwelic zullen draghen/ die twee guld(en) hollan(tsch) erflic die de brued(er)scap van ons(er) liev(er)/ vrouwen taerscot opde vors(creven) goede heffen(de) zijn [es] en(de) desgelix die/ xiiii s(cellingen) gr(ote) tur(noise) en(de) twee derdendeel mu(n)ten sconinx van vrancrike/ die dgodsh(uys) van heyleshem insgelix aende vors(creven) goede heffen(de) es/ also dat gheen van hen mits betalinge vand(er) and(er) helicht des/des anders gheen scade en come Al eest dat deen van hen/ in sijnd(er) deylingen van dien chijse meer panden sijn gevallen/ dan den ande(re)n Item es vort bevorw(er)t dat de vors(creven) p(ar)tien den/ he(re)n chijs uut hue(re)n vors(creven) goed(en) gaende betalen sullen nae/ advenant en(de) gruette elc van des hem in deylingen is gebleve(n)/ Oic sullen de vors(creven) henric vand(er) vort en(de) sijn huysvrouwe van nu/ vortaen euwelic ontlasten en(de) op den goeden vand(er) hue(re)r deylinge(n) drage(n)/ die ond(er)half mudde rox erflic die jan vand(er) biest d(aer) op heffen(de) is/ al waert datme(n) bevonde dat de goede des vors(creven) rufelarts en(de) zijns wijfs/ d(aer)mede voerpant mochten wesen Vort es vorw(er)de oft me(n) namaels e(n)nige(n)/ co(m)mer op e(n)nich vand(er) vors(creven) p(ar)tie(n) goede bevonde die voe(r) niet gespecificeert en/ es dat zij die(n) te gelike soude(n) drage(n) al waert dat des eens goede meer dan des/ and(er)s d(aer) inne verbonden mochten wesen H(anc) q(u)[o]q(ue) cor(am) god(efrido) rolofs tymple/ nove(m)br(is) xxiiii/