Item vander aenspraken die [h(er)] claus van sinte gorix ridde(re) meye(r) te loven(en)/ gedaen heeft op jasp(ar) boene vleeschouwe(re) Alse van dat de selve jaspar/ den diene(re) she(re)n en(de) der stat zeke(re) vleesch met fortchen hadde genome(n)/ alst de diene(re) ten versueke van srentmeesters clerc van loven(en) voe(r)/ hem int vleeschuys panden woude en(de) van quaden ontemeliken worden/ die hij d(aer) toe te dier tijt sprac Wert gewijst bijden he(re)n scepen(en)/ van loven(en) dat de vors(creven) jasp(ar) hier o(m)me ter beternisse(n) doen soude den/ selven he(re)n clause inden name van onsen gened(ichen) hee(re) een bevaert/ te romen derwert te porren bynnen xl dagen naestcomen(de) en(de)/ goede waerheit dair af te bringen nader stat recht oft des/ selfs meyers moet te hebben P(rese)ntib(us) o(mn)ib(us) scab(inis) nove(m)b(ris) xv/