Opte gescillen gepoert voir den raide vander stat tusschen diericken de/ voeght joese van eze(re)n en(de) jannesse den ruyssche die geleit zijn tot/ allen den goeden daneels wilen vanden waerde uut overgheven van tween/ schoutbrieven hen gedaen van jacopen vanden waerde en(de) janne van v(er)trike/ samentlic en(de) bezunder aenleggers in deen zijde ende jouffr(ouwe) margrete/ weduwe daneels wilen vanden waerde voirs(creven) in dande(re) als v(er)weerde(re)/ Alse van div(er)sen pointen van gebreken hier onder gespecificeert diede/ voirs(creven) drie p(er)sone hadden uutstaende op ende teghen den vors(creven)/ wilen daneele dair af aensprake verantweerden replike/ duplike ende thoenisse bijder stat overgegeven ende gehoerdt/ sijn geweest Soe is dair op bijden raide vand(er) stat die/ dair op rypelijc heeft geleet uutgesproken ende voe(r) reden(en)/ ende recht getermijneert tghene des hier naevolght Item/ inden yersten alse van iiii l(i)b(ra) gr(ote) lijfpensien die daneel/ wilen vanden waerde den voirs(creven) diericken met jouffr(ouwe)/ katlijnen des vors(creven) wilen daneels [natuerlike] dochter te huwelijck/ gaf Es getermijneert dat die den voirs(creven) diericken nae/ inhout sijnd(er) brieve volgen zullen oft dat de weduwe den/ voirs(creven) diericken de selve iiii l(i)b(ra) gr(ote) bewijsen sal op goede/ loflijke pande onder tvo(n)nis van loven(e) gelegen ten live(n) va(n)/ des vors(creven) dierix wijve en(de) een van hue(re)n kynde(re)n dien/ dieric gelieven sal Also dat die hem ombelet volgen/ moegen nae inhout der uutspraken des jonch(ere)n van/ wezemale gedaen tusschen den vors(creven) wilen daneele en(de)/ diericken voe(r) scepen(en) van loven(e) int jaer xiiii[c] xlviii xi/ daghe in octobri Ende dat mits dier bewijsenissen/ de voirs(creven) dieric ov(er)geve(n) sal de brieve die hij dair af/ te voren hadde op tgoet vand(er) court also dat de vors(creven)/ weduwe noch hue(re) kynde(re) uut ocsuyne van dien brieve
//
namaels niet tegenstaende aengesproken noch belast en dorven/ wordden Item op tpoint rue(re)nde vanden xxv saluten en(de)/ op iii[de] point rue(re)nde van xvi l(i)b(ra) gr(ote) te weten de voirs(creven)/ xxv salute(n) van achterstelle der vors(creven) lijftocht verschene(n)/ naden xi dach van octobri int jaer xlviii vors(creven) Es duytsprake/ want de weduwe vors(creven) huers v(er)mets van bewijsenisse(n)/ niet volcomen en es van dat de vors(creven) xxv saluten/ in rekeni(n)gen tusschen daneele en(de) diericken in betalinghen/ gepasseert soud(en) sijn evenverre de vors(creven) dieric zijne(n)/ eedt doet dat beyde de so(m)men tusschen daneele wilen/ vande(n) waerde vors(creven) en(de) hem in rekeni(n)ghen niet gepasseert/ en zijn en(de) dat hem die d noch ombetaelt uutstaen/ dat de vors(creven) weduwe hem vand(en) vors(creven) so(m)men betalinge/ sal doen Item op tpoint rue(re)nde vanden brieve(n)/ vanden moederliken goeden des vors(creven) wilen daneels/ dair inne des voirs(creven) diericx wijf gegoedt is Es/ verdraghen dat de voirs(creven) weduwe gehouden sijn sal/ de selve brieve ongecancelleert te restitueren den/ vors(creven) diericken gemerct dat zij niet bewijst en heeft/ dat die guedinghe des voirscr(even) diericx wijve/ gedaen was in voldoeni(n)ghe vander huweliker/ vorweerden des voirs(creven) diericx ende zijns/ wijfs Item op tpoint rue(re)nde vanden/ xxx l(i)b(ra) gr(ote) die dieric voirs(creven) der voirs(creven) weduwe(n)/ eysschende is van quetsueren hem ghedaen
//
bij wille(m)me en(de) jacopen vanden waerde en(de) vander scaden die/ hij daer o(m)me geleden heeft Es duutsprake dat de/ weduwe dair af ongehouden sal zijn ende heeft/ dieric yeman(de) anders van injurien oft quetsueren/ aentespreken dat hij dat volge met rechte/ Item op vi[te] point rue(re)nde vanden xxx rijders/ die joes vors(creven) van daneels wegen geloeft soude heeft/hebben reyneren vand(er) ryvie(re)n en(de) vand(en) x rijd(er)s/ die tot des selfs joes seggen(e) souden staen (et)c(etera) Es/ duytsprake soe v(er)re de vors(creven) joes zijnen eedt/ doet dat hij tot daneels begherten oft versueke/ de selve xxx rijd(er)s geloeft heeft en(de) dat hij daer/ af van daneele ongelooft en(de) ombetaelt is dat/ de vors(creven) weduwe dair af den vors(creven) joese cuele(n)/ sal so v(er)re hij yet dair af heeft verleeght oft/ anders aen reyne(re)n voirs(creven) [ontslaen] also dat de selve reyne(re)/ den vors(creven) joese quijtscelde Ende want de vors(creven) x/ rijd(er)s staen al noch ten seggen(en) des vors(creven) joes/ dair af hij bij daneels leven(en) gheen uutsprake/ en heeft gedaen dat dair o(m)me de vors(creven) weduwe/ van dien ombelast sal bliven Item op vii[te] point/ rue(re)nde vander vruchten oft bladingen vanden/ beempde die de vors(creven) daneel cochte teghen/ ja(n)nese ty(m)merman dair af zij hen keerden in/ seggers en(de) dair voe(r) de vors(creven) joes v(er)antweert heeft/soude hebben Es duytsprake evenverre de/ vors(creven) joes houdt bij sijnen eede dat hij aen ja(n)nese/ voirs(creven) verantweert heeft en(de) gesproken te voldoene/ wes de seggers dair af den selven ja(n)nese aensegge(n)-
//
souden dat de voirs(creven) weduwe dan gehouden sal zijn/ den vors(creven) joese te lossen en(de) te betalen tghene des/ dair af uutgesproken is oft uutgesproken sal wordde(n)/ Item opt viii[te] point rue(re)nde van x rijders/ die de vors(creven) joes den vors(creven) wilen daneele geleent/ soude hebben Es duytsprake so v(er)re de weduwe/ zweert ten heyligen na dovergeven des vors(creven) joes/ dat zij dair bij noch aen geweest en heeft Daer/ de vors(creven) daneele gekint soude hebben den vors(creven)/ joes de vors(creven) x rijd(er)s sculdich te sijne dat zij/ dair mede van dien gestaen sal oft in gebreke va(n)/ dien den selven joese dair af betalinghe doen/ Item opt ix[(te)] point rue(re)nde vand(en) xii guld(en)/ aende stat van arscot te betalen die de voirs(creven)/ daneel sculdich was en(de) daer voe(r) de vors(creven) joes/ geloefde Es duysprake want de weduwe in/ hue(re)r antweerden den last van dien p(rese)nteert te/ hue(r)weert te nemen en(de) de selve stat dair af/ te voldoene dat zij dat voldoende daer mede/ gestaen sal Item opt x[te] point rue(re)nde/ vanden xii peters van hueringen en(de) der reparacie(n)/ vander vouten die de vors(creven) daneel van joese hadde (et)c(etera)/ Es duytsprake dat de vors(creven) weduwe vand(er) hueringe(n)/ ongehouden sal zijn en(de) gestaen aen joese vand(er) reparacie(n)/ te betalen tghene des de vors(creven) joes houdt bij sijnd(er)/ eedt daer aen geleeght te hebben en(de) te coste gehadt/ int onderslach en(de) rep(ar)acien vand(er) vouten vors(creven) van/ ingange en(de) anders dair af daneel tgebruyc nam
//
Item op xiiii[te] point rue(re)nde vanden toeseggen(e) dat joes/ dieric en(de) jannes de ruyssche vors(creven) gedaen soude hebben/ ja(n)nese vanden hove (et)c(etera) Es duytsprake so v(er)re zij bij hue(re)n/ eede houden dat sij die geloeften in hue(re)r aenspraken/ begrepen gedaen hebben ter goeder truwen [om] te verhueden/ de scade die jannes opte goede soude hebben moegen doen/en(de) anders niet dat de vors(creven) weduwe den voirscr(even)/ jannesse vand(en) hove voer wet te loven(e) te rechte/ instaen sal van sijnen gebreke van verloepen(en) renten/ waerscapen en(de) genoechdoene oft dat de vors(creven) iii p(er)sone/ den selven jannesse met hue(re)n beleide bijstentich(eit)/ doen zullen moegen oft [om] hem van sijnen gebreke/ so v(er)re trecht sal wijsen te cuelen Item op/xv[te] point rue(re)nde vand(en) costen die de vors(creven) iii p(er)sone/ geleden hebben tot den tijde vand(en) ov(er)geven(e) van hue(re)n/ gebreken en(de) [die sij] groetsen op xxv rijd(er)s Es duytsprake/ dat sij hue(re) costen naerder specifice(re)n en(de) cleren sullen/ om alsdan die yerst aengehoert bijder vors(creven) weduwe(n)/ en(de) bij hue(r) dair op geantweert oft hue(r) gelieft van/ dien overdragen te wordden des de raet vander/ stat bevinden sal behoerlijc sijnde Item op/xvi[te] point rue(re)nde vand(er) protestacie(n) [vand(er)] makingen/ begrepen int testament wilen des vors(creven) daneels/ dair af men de gelegenth(eit) al noch niet en/ weet Es duytsprake dat beyde de p(ar)tien dair/ af zullen bliven staende op hue(r) beloep van rechte/ o(m)me oft men daer af namaels ind(er) waerheit yet/ bevonde elcken dair af te volgen sijn recht Uutgesceid(en)
//
vanden pointen met desen beslicht sijnde oft e(n)nige dair inne worden/ bevonden Item op xvii[te] point rue(re)nde vander haven/ tarscot (et)c(etera) dair voe(r) de voirs(creven) iii p(er)sone gesproken hadden die/ niet gemi(n)dert te wordden (et)c(etera) Es duytsprake dat de voirs(creven)/ weduwe also veele doen zal dat de vors(creven) p(er)sone dair af/ quijt geschouwen sullen wordden Item want de voirs(creven)/ weduwe in veele van hue(re)n ar(ticu)[len] ruert en(de) protesteert/ op de vors(creven) iii p(er)sone(n) en(de) elken van hen namaels te willen/ procederen van zaken den vors(creven) pointen aengaende oft/ eysscinghe(n) die zij tot hem oft e(n)nigen van hen uut ocsuyne/ van dien hebben soude willen en(de) dat ten plaetsen daer/ hue(r) dat gelieven sal en(de) de vors(creven) iii p(er)sone sijn porte(re)n d(er)/ stat van loven(e) Soe sullen de vors(creven) iii p(er)sone tvoirs(creven) beleit/ behouden in hue(re)r macht tot d(er)re tijt toe dat de vors(creven)/ weduwe hen generale quijtancie [van dien] sal hebben gegeven/ vand(en) vors(creven) pointen en(de) des daer aen cleeft alsoet behoert/ oft de selve p(er)sone besorgen negheensins vande(n) pointe(n)/ voirs(creven) te moyen noch oic om des vors(creven) beleits wille/ en(de) des dair uut gesproten is aentespreken dan inde/ banc voe(r) meye(r) en(de) scepen(en) va(n) loven(e) ons gened(ichs) he(re)n/ ts(er)togen Oft voir den raide der stat van loven(e) en(de) dat/ tallen tijden alst hue(r) gelieve(n) sal Item es vort/ v(er)dragen so v(er)re de vors(creven) weduwe de vors(creven) pointen ende/ uutspraken niet en voldoet dat de vors(creven) iii p(er)sone en(de)/ elc van hen hen zullen moegen behulpen bij machte va(n)/ hue(re)n beleide op alle de goede des vors(creven) wilen daneels/ om dair af en(de) van allen costen [die] tot den eynde vand(er) saken/ hen sullen geboe(re)n te doene ontslagen voldaen en(de) gelooft/ te worden Ende oft in dat voldoen oft oic inde gruetsinge/ vanden costen e(n)nige donckerheit viele daer af
//
houdt de stat de gruetsinge en(de) verclaernisse te huerweert/ Ende al des vors(creven) is voldaen zullen de voirs(creven) iii p(er)sone/ nae hue(re)r p(rese)ntacien hue(r) voirs(creven) beleit overgeven der voirs(creven)/ weduwen om hue(r) dair met te moegen doen des hue(r)/ gelieven sal Act(um) in pleno (con)silio xxviii martii/ Item de vors(creven) dieric joes en(de) jannes hebben elc bij hemn selve(n) de eede gedae(n) gelijc sij/ ind(er) vors(creven) uutspraken gep(rese)nteert hadden cor(am) eisd(em)