Cont zij allen lieden dat jan van ost sone wilen arnts in p(rese)ncia heeft/ ghehuert ende bekint dat hij ghehuert heeft tegen he(re)n en(de) meester ja(n)ne/ pelgrijm priester religieux inden godhuyse van sinte bernarts tot adewart/ de goede hier nae bescreven Inden yersten een huys en(de) hof metten/ wijngaerde en(de) allen ande(re)n zijnen toebehoerten gelijc dat gelegen is inden/ langenbruel tusschen den goeden jans wilen van bolgry ende jans van/ leefdale natuerlijc Item noch een huys en(de) hof met zijnd(er) toebehoerten/ gelijc dat belegen is achter sinte margrieten cappelle tusschen den/ goeden gorts roelants en(de) gielis wilen van rotselair strecken(de)/ achter tot aen de goede vors(creven) Te houden en(de) te hebben van sinte jans/ misse [bap(tis)[te(n)] sijnd(er) geboerte(n)] naestcomen(de) eenen termijn van sesse jae(re)n lanc deen nae/ dande(re) sonder middel volgen(de) Elx jaers dae(re)nbynnen om en(de) voe(r)/ de so(m)me van thien guld(en) peters te xviii stuv(er)s tstuc en(de) sesse/ stuvers Alle jae(re) ts(int) jans messe bap(tis)[te(n)] te betalen en(de) ind(er) stat wissel/ van loven(en) te leve(re)n den vors(creven) he(re)n janne en(de) meester arnde belcx/ aut alt(er)i quolib(et) ass(ecutu)[m] Item is vorweerde oft e(n)nich van hen begeerde/ ten eynde vanden vors(creven) vi jaer lanc te scheyden dat de ghene die/ scheiden wilt dat den ande(re)n een jaer lanc te voe(re)n seggen zal en(de)/ dae(re)nteynden sal de vors(creven) jan alnoch opde manie(re) vors(creven) daer inne/ bliven op datment hem een jaer te voe(re)n cundigen sal oft dat/ hijt selve een jaer te voe(re)n den vors(creven) meester janne oft meest(er)/ arnde cundighen sal [cundicht] Item sal de vors(creven) jan also lange als hij dese/ goede besitten zal alle jae(re) betalen den chijs en(de) co(m)mer uute(n) goede(n)/ gaende also hij in tijts dat daer gheen scade af en come sond(er) afslach/ vand(er) hue(re)n vors(creven) Ende oft daer yet behoefde ane gewracht te/ wordden dat sal de vors(creven) jan doen maken ten afslaghe vand(en)/ vors(creven) hue(re)n ten weten(e) vanden vors(creven) meester arnde En(de) de selve/ jan sal den wijngart jaerlix hante(re)n en(de) doen wercken wael en(de)/ loflijc gelijc rengenoten En(de) alle dese vorweerde(n) (et)c(etera) naen/ velpe aprilis xxi