Also als voe(r) den raide vander stat in gescille comen sijn jan van serain woenen(de)/ te luydic die getruwet heeft en(de) also man en(de) momboer jouffr(ouwen) katlijnen/ wettighe dochter he(re)n gorts wilen van herduwemont hee(re) van hoelne (et)c(etera) ridde(r)s/ in deen sijde en(de) vrouwe katlijne van kersbeke weduwe des vors(creven) wilen/ h(ere)n gorts moeder der vors(creven) jouffr(ouwen) katlijnen in dande(re) om der o(n)beruerlike/ goede wille achter den vors(creven) wilen he(re)n gorde gebleven inden ban van/ ha(n)nut en(de) daer omtrent gelegen De welke de vors(creven) jan van serain meynde/ dat hem sijn [de] vors(creven) sijn sweger tontrechte voerhielde want der vors(creven)/ sijnder huysvrouwen die in testamente vanden vors(creven) wilen hue(re)n vader/ wae(re)n gemaect en(de) gelaten als goede van zijnen wegen gecomen op/ zeke(re) lasten inden selven testamente v(er)claert die hij dair op sculdich/ wae(re) te draghen die hij niet en meynde noch wille en hadden yeman(ne)/ voe(r) te gane en(de) zunderlinghe opden last vand(er) vors(creven) vrou katlijnen/ sijnder sweger duwarie(n) Dair af zij voe(r) tvolcomen vanden huwelike tusscen/ den vors(creven) wilen [he(re)n] goerde en(de) hue(r) bij bijwesen van hue(re)n magen en(de) vrienden/ bevesticht was met scepen(en) brieven van loven(en) bijden ghenen die totten/ goeden ons selfs huers mans beleit wae(re)n also geregistereert steet/ onder gerarde wilen van baussele xviii dage in augusto int boec van/ xxxiii Welke duwarie hue(r) inden selven testamente also hij seyde oic/geregistereert steet [gereserveert] was ende en woude hue(r) aen die gheenen stoet/ maken maer hue(r) dair af dueghdelic van jae(re) te jare betalen alst redelic/ wae(re) ende hue(r) oic van dien dair op voerder vestighen oft hue(r) aen/ huerder vesticheit yet gebrake Maer dae(re)nboven tegen god reden(en) en(de)/ bescheit niet letten(de) opden uut(er)sten wille huers voirs(creven) wilen mans noch/ op des van hue(r)der duwarien bij hue(re)n vrienden inder vors(creven) huweliker/ vorweerden bededinght was heeft zij hue(re) kynde(re) bij hue(r) houden(de) eer/ e(n)nich gehuwel gehilijc was de voirs(creven) goede geheelic gehouden/ sonder die der vors(creven) dochter vortteke(re)n Ende dat meer is hue(r) gepijnt/ nae dat de vors(creven) hue(re) dochter gehylijc was drie die hue(r) en(de) den/ vors(creven) janne hue(re)n man voer te houden onder schijn van rechte ende/ met e(n)nigen vanden scepen(en) brieven voirs(creven) totter voirs(creven) duwarien behoe(re)nde/ dair zij voert vo(n)nissen oft ande(re) execucien oft explooten van rechte/ op mach hebben doen vorde(re)n die de voirs(creven) jan van serain meynde/ dat hem alle dese [bider] reden(en) vanden quaden fondemente niet gehynde(re)n
//
en connen Ende zunderlinghe bij dien dat de voirs(creven) vrou tot noch altijt/ vort hadde gebracht eene guedinghe van scepen(en) brieve(n) van loven(en)/ daer hue(r) vader inde voirs(creven) geheel goede mede gegoet was/ dair hij noyet possessie af en hadde Want hij die ter stont/ wederovergaf naden stijl vanden rechte vand(er) stat van loven(en)/ opde vors(creven) duwarie des hem de vors(creven) jan als mo(m)boe(re) gelijc voirs(creven) is/ gedraeght tot hue(re)n brieven oft [en(de)] den vors(creven) register Hopende al waert/ dat de voirs(creven) vrouwe e(n)nighe erfgename wae(re) huers vaders des/ neen so en conde hem dat nochtan niet gehynde(re)n nae dat sijnd(er)/ vors(creven) huysvrouwen g de vors(creven) goede gemaect wae(re)n en(de) nae datmen/ inden protocollen en(de) in sijnen brieven en(de) vestich(eit) die hij dair af/ hadde bevinden soude Versueken(de) sijn voirs(creven) swager dair toe/ bedwongen te wordden dat alle de brieve tot een behoe(re)nde ende/ deser saken aencleven(de) voe(r) oogen te bringen op dat zijn vors(creven) huysvrouwe/ en(de) een yegelijc mocht hebben des hem van godts rechts en(de) reden(en)/ wegen behoerde Op dwelc de vors(creven) weduwe vrouwe huer/ v(er)antweerde met alrehande reden(en) en(de) meynde dat allet ghene/ dat de vor(creven) jan hadden doen seggen hue(r) noch hue(re)n scepen(en) brieve(n)/ noch den exploopen van rechte die dair uut gevolght wae(re)n/ niet gehinde(re)n en souden connen Meynen(de) datme(n) die protocollen/ nade begheerte des vors(creven) jans niet hoe(re)n en soude noch sculdich/ en wae(re) te hoe(re)n wantse doerstrept wae(re)n noch oic gheen brieve/ sculdich en wae(re) voe(r) oogen te bringen dan die si meynde dat/ hue(r) soude(n) moegen dienen maer versochte ernstelic met/ hue(re)n scepen(en) brieve(n) en(de) behulpen voe(r) meye(r) en(de) scepen(en) van/ loven(en) te rechte geremitteert te weed werden te voerder/ want also wale de vors(creven) jan als zij scepen(en) br(ieve) ruerden vanden/ welken de vors(creven) jan hielt de (con)trarie hoopen(de) dat bijden/ raide vand(er) stat dueghdelic de sake soude wordden i gejustificeert/ Soe wert hier opten uutersten nae veele verhaels ende/ na alle reden(en) die van p(ar)tien tot allen zijden voerder dan voe(r) gede/ clareert is gehoert werden en(de) div(er)se gescriften gevisenteert ov(er)dragen/ en(de) get(er)mijneert met vollen gevolghe Yerst dat de vors(creven) sake nae/ hue(re)r gelegenth(eit) bijd(er) stat na soude wordden volcomentlic gehandelt/ en(de) vortmeer dat om te comen totter justificacie(n) en(de) zunderlinge/ om dat de vors(creven) voruwe e(n)nige brieve voe(r) oogen bringen(de) ande(re)/ toebehoerte van dien achterliete en(de) dat de stat vand(er) gelegentheit
//
der saken in al woude sijn geadc(er)tiveert? dat elc vanden p(ar)tien sculdich/ souden zijn alle behulpen en(de) behoeften van brieven oft anders deser saken/ aencleven(de) te sijnd(er) eedt na deser stat recht voe(r) oogen te bringen/ en(de) dae(re)nteynden die gevisenteert soude de stat doen des zij bevonden/ datter van reden(en) en(de) bescheide toe behoerde sonder yemande te/ vercortten Actu(m) cu(m) cor(am) lyemi(n)gen wynge burg(imagist)[ris] et plurib(us) aliis de/(con)silio ap(ri)lis penult(im)[a]