SAL7346, Akte: R°362.1-V°361.1 (607 van 678)
Akte R°362.1-V°361.1
Act
Datum: 1453-05-18
Transcriptie
2021-07-19 door kristiaan magnusNa de t(er)minacie geregistreert staende ond(er) ons op de(n) daet ap(ri)lis p(en)ult(ima)/
lestleden tussce(n) janne va(n) serain die getroudt heeft jouffr(ouwen) ka(tlij)[ne(n)] docht(er) h(ere)n/
gordts wile(n) va(n) herduemont hee(re) va(n) huelne als hij leefde ridd(er)s (et)c(etera) in/
deen zijde en(de) vrou ka(tlij)[ne] va(n) kersbeke weduwe des voirs(creven) wile(n) h(ere)n gorts/
moeder der voirs(creven) jouffr(ouwe) ka(tlij)[ne(n)] in dande(re) Sijn op heden als te(n) dage d(aer)/
toe voir hen dienen(de) wed(er)om come(n) de voirs(creven) p(ar)tie(n) te beyde(n) zijde(n) voir/
de(n) volle(n) rade vand(er) stad Aldair de voirs(creven) jan va(n) serain ov(er)gaf en(de)/
p(rese)nteerde ov(er) te gheve(n) in voldoeni(n)ge(n) d(er) t(er)minacie(n) voirg(eruert) alrehande besceit/
en(de) behoeften va(n) brieve(n) in hande(n) vand(er) stad P(rese)nteren(de) zijne(n) eedt te doene/
oftmens begh(er)de als d(aer) toe behoire(n) soude dat hij niet meer behulps/
des(er) sake(n) aenclevende en hadde gehadt noch en wiste Versueken(de) dat/
de voirs(creven) vrou ka(tlij)[ne] zijn zwegher va(n) gelike(n) dade als hij hoopte/
dat zij voldoende de t(erm)i(n)acie voirs(creven) sculdich ware te doene Dair/
jege(n) zij hue(r) oppon(er)de seggen(de) dat de sake niet alleen hue(r) aen en/
cleefde mair dat hue(re) brueder h(er) jan van kersbeke die d(aer) voe(r) oege(n)/
was en(de) v(er)sochte ernstelic also v(er)re alst he(m) aencleefde inde macht zijnre/
scepen(en) brieve(n) te blive(n) tot hij met rechte d(aer) uutgewo(n)ne(n) ware voe(r)/
meye(r) ende scepen(en) va(n) loeven(e) na alle voir gesciedenisse(n) voir he(m) dienen(de)/
en(de) hue(re) sustere(n) met hem d(aer) inne also diepe als zij ware(n) gericht En(de)/
dat zij de brieve vand(er) guedingen dair inder t(erm)i(n)acie(n) af geruert is niet en/
hadde noch en wiste Beghe(re)nde datme(n) een zeke(re) supplicacie die zij d(aer)/
ov(er) gaf en(de) begherde gehoort te worde(n) aenhoere(n) woude Die begreep/
na decla(ra)cie d(er) sake(n) te(n) slote dat zij mette(n) voirs(creven) ja(n)ne va(n) serain/
va(n) wege(n) huerre jonger dochter dier de sake meer aenghinge alsoe/
zij seyde dan hue(r) gh(er)ne mynlic met vriende(n) tractere(n) en(de) hue(r) v(er)eenige(n)/
woude Op dwelc de voirs(creven) jan na dat hij v(er)socht hadde datme(n)/
de voirs(creven) supplicacie(n) niet hoere(n) en soude die bij ov(er)drage vand(er) stad/
gehoirt werdt ernstelijc begh(er)de dat de voirs(creven) sijn zwegher over/
brachte te huerre eedt de brieve aenclevende der guedinge(n) dair/
met wile(n) h(er) wout(er) va(n) kersbeke hue(re) vader inde goede dair questie/
af was gegoet was alsoe hij vande(n) zijne(n) doen woude Ende de/
voirs(creven) vrouwe gemeyndt hadde dat zij niet voird(er) de(n) eedt doen/
en soude dan dat zij de voirs(creven) brieve niet en hadde noch en wiste/
als voirs(creven) es So werdt ov(er)drage(n) en(de) gecleert bij de(n) selve(n) rade/
/
vander stad met vollen gevolge dat zij sculdich soude zijn eedt/
te doene acht(er)volgende der vorst(er) t(erm)i(n)acie(n) voirg(eruert) Dat zij de br(ieve)/
voirg(eruert) niet en hadde te(n) tide alse de selve t(er)mi(n)acie liep dat zij niet/
doen en woude mair ope(n)bairlijc weyg(er)de ky(n)nende dat zijse te dier/tij tijt hadde Ende also midts dien w(er)t d(aer) na uut den ernstige(n)/
versueke des voirs(creven) jans ov(er)drage(n) ende geslote(n) voirt dat de voirs(creven)/
vrouwe de voirs(creven) brieve voir oege(n) bringe(n) soude oft dat de/
voirs(creven) jan voirtmeer zijn recht mette(n) testame(n)te voir sijn huysvr(ouwe)/
dienende ov(er) de voirs(creven) goede in also v(e)re alst aencleefde d(er) voirs(creven)/
vrouwe(n) sijnre zwegh(er) aengedeelte soude moege(n) v(er)volge(n) niet/
jegenstaende de(n) selve(n) scepen(en) brieve(n) ter plaetse(n) dair de selve/
testame(n)te behoirden Des de selve vrouwe also sij seyde te(n) ut(er)ste(n)/
te vrede(n) was P(rese)nt(ibus) lye(ming)[en] wy(n)ge burg(imagistris) et pl(ur)ib(us) aliis de (con)silio maii xviii
Nagekeken door: Jos Jonckheer
Moderator: kristiaan magnus
Laatste update:: 2015-04-04 door kristiaan magnus