SAL7346, Akte: R°382.5-V°382.1 (636 van 678)
Akte R°382.5-V°382.1
Act
Datum: 1453-06-08
Transcriptie
2021-07-19 door kristiaan magnusVanden stoete opv(er)staen die geport is tussce(n) en(de) een wijle tijts gestaen heeft tussce(n)/
janne va(n) beringe(n) die wijle(n) getruwet hadde jouffr(ouwen) mabielie(n) uute(n) lyemi(n)gen/
in deen zijde en(de) jacope uuten lye(ming)[en] in dande(re) alse van div(er)sen gebreken die de/
voirs(creven) jan van beringe(n) seecht te hebbe(n) va(n) zijnre huwelik(er) voirwerde(n) en(de) d(aer) inne/
hij meyndt dat de voirs(creven) jacop te hemwert gehoude(n) es vande(n) welke(n) de voirs(creven)/
jacop te houdt de (contra)rie D(aer)af de voirs(creven) p(ar)tien jege(n) malcande(re)n voe(r) tgeestelijc/
gericht va(n) luydicke in rechte gestae(n) hebbe(n) Sijn de voirs(creven) p(ar)tien met malca(n)de(re)n/
ov(er)come(n) alse dat zij te beyde(n) zijde(n) de voirs(creven) voirderinge te luydic bego(n)nen ter/
stont af ende te nyeute doen selen sond(er) dat zij om dier saken wille malcande(re)n/
yet meer selen aenspreken in gheestelike(n) oft werlike(n) rechte maer hebben hen/
van dien en(de) va(n) alle(n) twiste die zij tot malcande(re)n moege(n) hebben uutstaen(de)/
/
totte(n) dage toe va(n) hede(n) gesubmitteert in segge(re)n Te wete(n) de voirs(creven) jan/
in meeste(re)n wille(m)me bont doctoir in beiden rechten en(de) walt(er)o storm/
secretar(is) der stad van mechele(n) en(de) de voirs(creven) jacop in meeste(re)n janne/
va(n) gronsselt doctoir in loye en(de) gerard(us) va(n) bauss(ele) secretar(is) in alsulk(er)/
vuege(n) dat de voirs(creven) jan zijne(n) eysch in gesc(ri)fte ov(er)geven sal den segge(re)n/
des voirs(creven) jacops bynne(n) eenre maent naestcomen(de) D(aer) op de voirs(creven)/
jacop zijn verantwerde(n) int gesc(ri)fte oic overgeve(n) sal bynnen/
eenre maent daer na ende dat de voirs(creven) seggers dinformacie d(aer)/
op neme(n) selen soe v(er)re dat behoeft van beyde den p(ar)tien en(de) hue(re)/
uutsprake doen vand(er) saken op dat zijs eendrachtichlijc van/
accorde zijn binne(n) i maint d(aer) na en(de) oft zijs niet eens gesijn/
en co(n)nen sele(n) zij de geheel sake met hue(re)n advise en(de) poente(n) van/
discorde ov(er)geven bynne(n) den selven tijde in hande(n) mychiels/
absoloens als overcome(n) overma(n) bynne(n) die d(aer) af zijn uutsp(ra)ke/
sculd(ich) sal zijn te doene alsoe hij aengenome(n) heeft bynne(n) i maent/
v(er)volgen(de) P(ro)mitt(entes) ratum roel(ofs) lynt(re) junii viii[a]
Nagekeken door: Jos Jonckheer
Moderator: kristiaan magnus
Laatste update:: 2015-04-04 door kristiaan magnus