It(em) her henric van diest ridde(r) in p(rese)ncie(n) der scepen(en) van loven(en) gestaen/ heeft geloeft jouffrouwe lijsbetten van diest zijnd(er) dochter dat hij de viii[c]/ florensche guld(en) renten die hij houden(de) es op dlant van diest te leene/ ruer(re)nde van jouffr(ouwe) jehannen vrou van heynsberghe van diest en(de) van/ zichen(en) (et)c(etera) negheensins v(er)coopen versetten beswae(re)n noch v(er)ande(re)n/ en sal bij hem noch bij niemande and(er)s in gheenen rechte gheestelic/ noch weerlic also lange als de vors(creven) jouffr(ouwe) lijsbeth zijn dochter/ oft wettighe geboerte van hue(re)n live comen(de) leven sal Behoudelic/ der makinghen van xc guld(en) der selv(er) die de vors(creven) h(er) henric/ van dier renten gedaen heeft den cloest(er) van zeelhem ja(n)ne/ en(de) alaerde suetelief Bekynnende de selve h(er) henric/ oft de (con)trarie van dien geschiede dat die van onweerden/ zijn soude en(de) heeft geloeft tot dien de voirs(creven) her henric/ dat hij der voirs(creven) jouffr(ouwe) lijsbetten tot hue(re)r meynissen kynnesse/ en(de) geloeften doen sal bij zijnder zekerheit als man van ee(re)n/ bij ridderscape en(de) bij eede voe(r) den leenhof en(de) [ma(n)nen] vanden hove/ des vors(creven) steet volcomentlic tonderhouden en(de) gelijke geloeften/ en(de) kynnesse [dairaf] te doene met begheerten oic dat onse gened(ichen)/ hee(re) de hertoge en(de) zijn ma(n)ne(n) als ov(er)hem dat in vestich(eit)/ bezegelen zullen Geloeven(de) de vors(creven) h(er) henric van deser/ kynnessen en(de) geloeften recht warant te zijne pynnoc/ tymple julii xviii