SAL7346, Act: V°272.2-R°273.1 (468 of 677)
Search Act
previous | next
Act V°272.2-R°273.1  
Act
Date: 1450-03-02

Transcription

2019-09-03 by kristiaan magnus
Cond zij allen lieden dat goert stamelairt sone wilen goerts/
in p(rese)ncia heeft genome(n) en(de) bekint dat hij genome(n) heeft va(n) janne/
va(n) maelcote pelsmake(re) thoff [des voirs(creven) jans] te kessele met alle(n) zijne(n) toebehoirte(n)/
so v(er)re de jouffr(ouwe) wilen lyemi(n)cx die te kessele en(de) daer omtrint/
houden(de) was uutgenome(n) drie dachmael beemps gelege(n) in lovenere(n)/
beempde en(de) ii vierdeel wijngaerts gelege(n) aende(n) kesselberch Te houde(n)/
en(de) te hebben van halfmerte lestleden eene(n) t(er)mijn va(n) xii jai(re)n lang/
v(er)volgen(de) Elx jaers dae(re)nbynne(n) om xii jare mudde(n) core(n)s d(er) mate(n)/
en(de) pachts va(n) loeven(en) en(de) ii hantkeese alle jae(re) tsinte andriesmisse/
apostels te betale(n) en(de) te loven(en) te leve(re)n te(n) huyse des voirs(creven)/
jans en(de) om xii hollan(tsche) guld(en) te xvi stuv(er)s tstuck te(n) voirs(creven)/
t(er)mijne te betale(n) de(n) voirs(creven) janne q(u)[o]l(ibet) ass(cutu)[m] Ite(m) es voerwerde/
dat de voirs(creven) wynne de voirs(creven) goede zijne(n) voirs(creven) t(er)mijn due(re)nde/
sal houde(n) wynne(n) [en(de)] w(er)ven gelijc zijne(n) reengenoete(n) bove(n) en(de)/
benede(n) en(de) tsijne(n) uutgane sh sal hij opde [die] vii dach(mael) lants/
gelege(n) over die lyemi(n)cx beke late(n) met xviii botvoed(er) mests/
gemest en(de) besayt tg(er)stlant en(de) de brake tzijne(n) uutgane gelijc/
hijse vant tsijne(n) bescr income(n) Ite(m) sal de wynne jaerlijcx/
alle tstroe vande(n) voirs(creven) goede(n) comen(de) int hoff bringe(n) met/
zijne(n) beeste(n) ette(n) te meste make(n) ende dat mest opt lant/
vuere(n) tslants meeste(n) proffijte en(de) tsijne(n) leste(n) jae(re) sal hij/
alle dmest int voirs(creven) hof late(n) Ite(m) sal hij oec alle jae(re) int/
voirs(creven) hof leve(re)n xii w mandele(n) walms om de huysinge/
mede te rep(ar)ere(n) en(de) alsme(n) dair dect oft plect sal de wynne
//
de(n) wercklieden de(n) montcost geve(n) en(de) jan sal de dachue(re)n betalen/
Ite(m) oft me(n) daer yet va(n) nuws maecte d(aer) en sal die wynne niet/
in gehouwen zijn en(de) ten lesten jae(re) sal de selve wynne int/
hoff late(n) v mandelen stroes Ite(m) dede de voirs(creven) jan d(aer) e(n)nich/
hout make(n) dat sal he(m) de wynne altijt thuys vuere(n) ende/
alle de staken reve(n) cortelinge en(de) i voeder wijns tsjaers te/
loven(en) vuere(n) ende die stake(n) die d(aer) vallen opde voirs(creven) wijng(ar)de/
leve(re)n Ite(m) sal de wynne half dooft hebbe(n) mair de helicht des/
voirs(creven) jans sal hij hem thuys vueren en(de) doen zijt te gade(re) lese(n)/
soe sal de wynne de(n) lesere de(n) montcost geve(n) en(de) half de dachue(re)n/
It(em) sal de voirs(creven) wy(n)ne de huysinge(n) aldair houwe(n) wel en(de) loflijc/
vand(er) understere rijkelen nederwert Ende de duve(n) aldair selense/
half [en(de) half] deylen des salse de wynne vuede(n) en(de) hij sal dmest dair/
af hebbe(n) Item alsmen dair trunct salme(n) hem tuynstake en(de)/
loeke leve(re)n de goede mede te bevrede(n) Ite(m) de wynne sal de beempde/
trecke(n) wel en(de) behoirlijc op zijne(n) cost Ende alle dese voerw(er)d(en) (et)c(etera)/
Cor(am) naen wynghe martii s(e)c(un)da
ContributorsJos Jonckheer
Moderated byMi-Je Van Gils
Last update: 2015-03-18 by kristiaan magnus