SAL7347, Act: R°432.1 (725 of 745)
Search Act
previous | next
Act R°432.1  
Act
Date: 1454-06-13

Transcription

2020-01-29 by Magda van Winkel
Item vander aensp(ra)ken die arnt van wachteyke gedaen heeft tot henr(icke) vanden/
venne alse van xx gul(den) crone(n) die de voirs(creven) arnt seyde dat de voirs(creven)/
henr(ick) van sijne(n) rente(n) op de stad van dendermonde gehave(n) hadde bynne(n)/
v voirleden(en) jae(re)n [t(er)mijne(n)] elx jaers gedragen(de) viii crone(n) en(de) elke(n) t(er)mijn vier/
die hij beg(er)de vande(n) selve(n) henr(icke) hem ov(er)geleeght te w(er)den nae de c(er)tificacie/
der stad voirs(creven) die hij inde rechte exhibeerde beg(ri)pen(de) dat de voirs(creven)/
henr(ick) des voirs(creven) arnts rente alsoe vele t(er)mijne opgebuert en(de) ontfange(n)/
hadde Jege(n) dwelc de selve henr(ick) hem v(er)antw(er)den(de) seyde dat wel/
waer sijn mochte dat hij die rente(n) mocht hebbe(n) ontfange(n) m(er) dat wae(re)/
geschiet bij behete wilen ro(m)bout roebosch die t(er) tijt als hij leefde/
de rente(n) der goeder lieden te mechlen gemeynlijc plach in te halen en(de)/
die(n) hadde hij des hij ontfange(n) hadde ov(er)geleeght soe lange hij leefde/
en(de) nae hem h(er) janne roebosch sijne(n) sone die nae hem de officie/
bediende en(de) dat hij des hij h(ier) af gedaen hadde va(n) wege(n) des voirs(creven)/
wile(n) rombouts voir geschiet was en(de) des voirs(creven) h(er) jans nae en(de) dat/
hijt hen telke(n) hadde ov(er)geleegt en(de) v(er)nueght en(de) oic dat hij de(n) voirs(creven)/
arnde niet geloeft en hadde noch sculdich en was des p(rese)nteerde hij/
sijne(n) eedt te(n) heylige(n) te doen W(er)t gewijst biden he(re)n tscepen(en) va(n) loeven(e)/
t(er) manisse(n) smeyers wair de voirs(creven) henr(ick) den voirs(creven) eedt dade dies hij/
naemaels volqua(m) alsoe hij die(n) hier gep(rese)nteert hadde dat hij der/
aensp(ra)ken ongehouden sijn soude p(rese)nt(ibus) o(mn)ib(us) scab(inis) dempto lynt(re) junii xiii
Contributorskristiaan magnus
Moderated bykristiaan magnus
Last update: 2016-04-16 by kristiaan magnus