Wij jan de witte sone wilen vranx en(de) lodewijc vanden meersberge/ scepen(en) te loven(en) doen cont allen lieden dat willem vanden borchove(n)/ in deen zijde en(de) meester wouter vanden borchoven zijn brued(er) in/ dande(re) met malcande(re)n eensworden en(de) overcomen zijn vanden stoote/ die sij underlinghen hadden o(m)me der goeden wille gebleven nade/ doot wilen jouffr(ouwe) katlijnen vanden borchoven [huerder zuster] die wijf was vranx/ wilen oliviers opde voeghe en(de) manie(re) hier nae v(er)claert Te/ weten dat de vors(creven) willem vand(en) borchoven voer hem zijnen/ erven en(de) nacomelingen met sulken bescheide als hij daer toe/ heeft sond(er) wederseggen des vors(creven) meest(er) wout(er)s oft zijnd(er)/ nacomelingen zal bliven gebruyken(e) en(de) besitten(e) [tot ewelike(n) dagen] alle de omberuerlike/ goede die de vors(creven) jouffr(ouw) katlijne wilen te houden en(de) te/ besitten plach so waer die gelegen zijn Voer de welke/ hij den vors(creven) meester woute(re)n jaerlix zijnen leefdach lanc/ due(re)nde gheven en(de) betalen zal acht sacken corens der maten van loven(en) te weten(e) sesse halster voer elcken sack/ gerekent ts(in)t andries messe apostels te betalen en(de) te loven(en)/te leve(re)n dyerste betalinghe van vier sacken der/ vors(creven) acht sacken corens ten yersten sinte andries messe/ na de doot des selfs willems vand(en) borchove(n) [inne te gaen] en(de) niet/meer Van welker lijftocht de vors(creven) willem den vors(creve) meest(er)/ woute(re)n zijne(n) brued(er) ter vestich(eit) met jouffr(ouwe) katlijnen zijnen/ wijne en(de) loeflove [roelove] van berthem hue(re)rs [beyden] behouwede sone scepen(en)/ brieve van loven(en) maken zal dair inne v(er)sien sal wezen/ oft de vors(creven) willem oft roelof aflivich wordde(n) dat de/ lanxste leven(de) van hen altoes gehouden zijn sal ter manissen/ van meester woute(re)n vors(creven) in die stat eenen also goeden borge/ te setten dair hij mede wel v(er)waert sal [moegen] wezen Bij also/ oft men bevonde dat de vors(creven) goede hoeger gedroegen dan/ inder weerden van twintich sacken corens tsjaers erflic/ boven alle last en(de) comer dat van dien surplus die vors(creven)/ meester wouter soude bliven [vanden voirs(creven) goeden] desen niet tegenstaende op zijn/ beloep van rechte Met condicien hier inne ond(er)sproken/ oft de vors(creven) meester wout(er) te houwelic thoghe dat hij dan/ in des vors(creven) is niet gehouden en souden wezen [m(air) soude al des vors(creven) steet te nyeute sijn] Vort es vor/ weerde dat de vors(creven) meester wouter zijn vors(creven) vier sacken rox/ corens sijns brued(er)s leefdaghe vors(creven) geboe(re)nde ts(int) andries
//
messe apostels naestcomen(de) begynnen te heffen en(de) dan sal/ hem de voirs(creven) willem zijn brueder noch gheven voer tghene/ des van vorleden(en) jae(re)n den vors(creven) meester wout(re)n verschenen macht/ zijn twee sacken corens inder maten voirs(creven) Vort es vorw(er)de/ dat de vors(creven) meester wouter tot eeuwege(n) dagen voer hem/ en(de) sijnen nacomelingen sond(er) wed(er)spreken des vors(creven) willems/ oft sijnd(er) nacomelingen behu behouden sal de twee guld(en)/ cronen vrancrijcsche [erflic] diemen heffen(de) is op thuys en(de) hof met/ sijnen toebehoerten jans van rubbecheal gelegen inde/ cattestrate aldair naest jans huys vanden borchove(n)/ en(de) dair o(m)me ter ande(re) zijden sal de vors(creven) meest(er) wouter/ tot euwegen dagen voir hem en(de) zijn nacomelinghe/ sculdich sijn van weerden te houden tvercoepen dat/ de vors(creven) willem zijn brueder voermaels gedaen heeft/ van dien vier mudd(en) rox die jan [vranc] vand(en) poele te betalen plach/ sond(er) dat hij [de voirs(creven) meester wout(er)] hem e(m)mermeer dair toe recht sal [moegen] v(er)meten dit/ geschiede xxiii dage in nove(m)bri