Tvo(n)nisse vande(n) gedinge dat gehange(n) heeft voir meye(r) en(de) scepen(en)/ van loeven(en) tussce(n) henr(icke) coulon in deen zijde ende gielise va(n) udeke(m)/ voirsprek(er) in dande(r) alse va(n) drie pet(er)s die de voirs(creven) henr(ic) ontf(angen)/ soude hebben va(n) willem(me) goffart en(de) die voirt gelooft de(n) voirs(creven) gielise/ te betalen gelijc hij dat boot te thoene(n) Dair op de voirs(creven) henric/ dede seggen dat hij gielise noyt gelooft en hadde d(aer) af enige/ betalinge te doene en(de) dat hij dat ne(m)m(er)meer thoene(n) en soude En(de)/ want de(n) voirs(creven) gielise ov(er)midts dat hij vast vele dage va(n) thoen(en)/ genome(n) hadde en(de) niet en thoende gewijst is bij vo(n)nisse eene(n)/ zekere(n) dach dat hij sij(n) thoenisse bringe(n) en(de) leyde(n) soude also/ hij he(m) v(er)mete(n) hadde oft de voirs(creven) henr(ic) soude d(er) aensprake(n)/ ongehoude(n) zijn tot welke(n) dage dair toe gesedt noch bij/ vele verstreken(en) daghe(n) de voirs(creven) gielijs niet gethoent en/ heeft Es gewijst met dese(n) woerden t(er) manisse(n) smeyers wair/ de voirs(creven) gielijs ten opstaen smeyers en(de) scepen(en) niet en thoende/ also hij he(n) v(er)mete(n) hadde dat de voirs(creven) henr(ic) vand(er) aensprake(n)/ ongehoude(n) zijn soude cor(am) o(mn)ib(us) ex(cep)[t(o)] abs(oloens) abs(oloens) no(vem)[b(ris)] xxii