Wij lynter meersberghe scepen(en) te loven(en) doen cont allen/ lieden dat jan gheerts en(de) m(ar)griete sijn wijf weduwe/ jans wilen de vijt in deen zijde peter en(de) henric de/ vijt gebruede(re) des voirs(creven) jans voe(r) hen katlijnen en(de)/ lijsbetten de vijt hue(re)n suste(re)n die sij met janne/ moens en(de) janne nuwerstat hue(re)n wettigen manne(n)/ en(de) momboren tot des nabescreven steet gelooft hebben/ te v(er)vangen in dande(r) Sijn met malcande(re)n bij raide/ en(de) te(n) toedoene van hue(re)n vrienden overcomen opde/ gescille die zij underlingen hadden om der goeden/ wille beruerlic en(de) omberuerlic hoedanich die zijn/ achter den vors(creven) janne wilen de vijt gebleve(n) der/ pointe en(de) vorw(er)den hier nae v(er)claert die zij deen/ den ande(re)n gelooft hebben tot eeuweliken dagen/ o(n)verbrekelic tond(er)houden voer hen hue(re)n erven ende/ nacomelingen Ende inden yersten dat de vors(creven)/ m(ar)griete voer hue(r) hue(re)n erven en(de) nacomelinghen/ vortmeer tot eewegen dagen besitten en(de) peyselic/ gebruyken sal alle de goede beruerlic en(de) omberuerlic/ welkerhande die zijn also wale daer die vors(creven) bruede(re)n/ en(de) suste(re)n nu oft hier namaels in gericht souden mogen/ wezen daer de vors(creven) jan de vijt uutgestorven is/ en(de) also hij die ten dage zijnd(er) aflivich(eit) metter hant/ hadde waer die gelegen zijn oft hoese genoempt/ mogen wezen op also dat de selve gebruede(re)n ende/ suste(re)n vanden vors(creven) gehuyschen vie(r) alle trecht dat/ sij aende selve goede hebben mochten heffen zullen/ jaerlix en(de) erflic twee l(i)b(ra) gr(oot) braban(ts) Te weten(ne) sesse/ grype(n) braban(ts) gelts te xl pl(a)c(ken) tstuc alsulke als nu/ gemeynlic in burssen loopen voer elc l(i)b(ra) gerekent vallen(de)/ deen helicht dair af altoes tsint jans messe baptisten/ ende dande(r) helicht te kersmisse dyerste betalinghe
//
vanden halve(n) l(i)b(ra) gr(oot) der vors(creven) twee l(i)b(ra) gr(ote) inne te/ gane ten yersten vand(en) vors(creven) tween payemente(n) nade/ doot der vors(creven) m(ar)gr(iete) en(de) niet eer Behoudelic/ dat de vors(creven) gehuyssche en(de) hue(re)n nacomelinge(n)/ de vors(creven) erfrente van onderhalve(n) l(i)b(ra) gr(oot) vand(en)/ vors(creven) so(m)men nu ingaende altijt quijten zullen moge(n)/ alse hen gelieft te drie malen met eenen/ halven l(i)b(ra) gr(oot) smaels en(de) niet myn elcken d(enier) d(aer) af/ met xviii gelike d(eniere) en(de) met vollen renten/ vand(en) t(er)mijne daer inne die quiti(n)ge gescien/ sal en(de) van desen zullen de p(ar)tien in wed(er) zijde/ deen den ande(re)n doen alsulken vestich(eit) als zijs/ v(er)maent wordden dat hen vast en(de) seker sal/ wesen en(de) ten plaetsen daert hen behoeve(n) mochte/ elc ten coste vanden ghenen die vestich(eit) sal/ ontfaen en(de) sal de vors(creven) rente den vors(creven) gebruede(re)n/ en(de) suste(re)n besedt wordden op also veele ond(er)pande/ der vors(creven) goede dat der wet daer ond(er) die/ liggen genoech sal duncken Vort sijn de vors(creven)/ p(ar)tien ov(er)come(n) als vanden brieve van xxv r(ijns) gul(den)/ die wilen jan de vijt hadde geleent op de voster/ van duffle en(de) vort in testamente gegeve(n) luyxken/ en(de) grietken des vors(creven) peters de wij vijt kynde(re)n/ daer op de vors(creven) gehuyssche kynnen dat de vors(creven)/ m(ar)griete gehaven soude hebben xiii r(ijns) guld(en) dat/ de vors(creven) m(ar)griete dien brief vand(en) vors(creven) xxv r(ijns)/ guld(en) ter stont den vors(creven) pete(re)n tot behoef sijnder/ vors(creven) kynde(re)n ov(er)geven zal om de pe(n)ni(n)ge dair af/ noch uutstaende te trecken en(de) de xv xiii r(ijns) guld(en)/ dair op gehave(n) sal de vors(creven) m(ar)griete den vors(creven)/ pete(re)n restitue(re)n en(de) opleggen bynnen jaers naestcomen(de)
//
als verreicte schout en(de) dair af zullen de gehuyssche/ den selve pete(re)n goede vestich(eit) doen alsulke dat hij d(aer)/ mede v(er)waert zij Met bespreke want de sculde(re)n vand(en)/ vors(creven) brieve also de vors(creven) gehuyssche seggen hen noch/ sculdich sijn twee r(ijnsche) guld(en) meer dan xii r(ijnsche) guld(en)/ So es dair af gesproken dat de vors(creven) gebrue(re)n gehouden/ zijn zullen den vors(creven) gehuysschen metten voirs(creven) brieve/ behulpelic te zijne sond(er) der gebruede(re)n cost dat/ zij vanden selven ii r(ijnsche) guld(en) betaelt mogen wordde(n) also/ v(er)re alst recht v(er)mogen sal Item als vanden lv gul(den)/ peters die de vors(creven) jan de vijt ordineerde mariken/ sijnd(er) natuerliker dochter l nae hem te bliven daer/ af zijn de vors(creven) p(ar)tien ov(er)comen dat die de vors(creven)/ gehuyssche den vors(creven) kynde oft den vors(creven) ii gebruede(re)n/ mo(m)boren des selfs opleggen zullen behalpen goede/ vestich(eit) als vors(creven) es bynnen iii jae(re)n naestcomen(de)/ in sulker vueghen dat de voirs(creven) drie jare(n) ov(er)leden soe saen/ de voirs(creven) marike(n) te huwelic i trect oft and(er)s eerlijc in een cloest(er)/ gaet dat hue(r) dan de voirs(creven) pe(n)ningen volge(n) selen en(de) oft se/ dien tijt verstreken onbestaedt bleve selen de voirs(creven) mo(m)boren/ tgelt aenveerde(n) en(de) goede vestich(eit) doen oft de voirs(creven) marie/ storve eer sij bestaedt wae(r) dat zij dan de helicht vanden voirs(creven)/ pe(n)ningen den voirs(creven) gehuysscen wederkeere(n) selen oft oec de/ voirs(creven) marike(n) eer de voirs(creven) drie jaer om ware(n) storve soe soude(n)/ oec nochta(n) de voirs(creven) gehuysscen te(n) ynde vande(n) drie jare(n) gehoude(n)/ zijn de(n) voirs(creven) gebruedere(n) en(de) susteren de helicht vand(er) voirs(creven) so(m)me(n)/ op te leggen En(de) hier mede sele(n) de voirs(creven) p(ar)tien v(er)yffent/ sijn en(de) verleken bliven van al des zij deen tot den ande(re)n/ nu oft hier namaels te segge(n) mochte(n) hebben va(n) successie(n) va(n) makinge(n)/ van testame(n)te(n) gelofte(n) oft and(er)ssins in e(n)nige(n) maniere(n) alle/ argelist uutgesceyde(n) dec(embris) xiiii