SAL7347, Akte: R°254.1 (419 van 745)
Akte R°254.1
Act
Datum: 1454-02-06
Transcriptie
2018-06-01 door Magda Van WinkelIt(em) nae dien dat henric van wincxele den raede vander stad volcome(n)tlijc/
bijbracht heeft dat hem uut zijne(n) huyse en(de) sloote ontweldicht zijn drie/
beleyde Te weten(en) deen d(aer) mede hee(r) jan wijlen de decke(re) priester geleit was/
totten goeden des voirs(creven) henricx dander d(aer) mede goessen wijlen vander/
quaderbruggen geleit was totte(n) goeden he(re)n willems wijlen van wincxele/
ridders des voirs(creven) henr(icx) vader en(de) terde daer mede dat claus de kersmake(re)/
geleit was totten goeden des voirs(creven) henricx en(de) desgelijcx de deylinge/
metter quitan(tie) daer toe behoiren(de) gesciet bij janne en(de) roelofve van/
wincxele daer mede zij vertegen hadden opde goede die henr(icx) voirs(creven)/
houden(de) was van welken ontweldigen de voirs(creven) henr(icx) p(rese)nteerde zijne(n) eedt/
versueken(de) mits dien daer inne versien te wesen alsoe dat hem metten/
voirs(creven) beleiden noch oic den ghene(n) die recht tot zijne(n) goeden hebben oft/
naemaels hebben mochten negheen hynder en gesciede ende dat hem/
de voirs(creven) deylinge metter quitan(cie) gereformeert wordde Soe eest dat de/
selve raet overdragen heeft en(de) getermineert datme(n) mette(n) voirs(creven)/
beleid negheene vorderinge doen en sal en(de) oft gesciede dat dat/
van negheend(er) weerden wesen en soude ten wae(re) dat de voirs(creven) henr(ic)/
en(de) ande(r) interest tot dien hebben(de) yerst voe(r) den raide vander stat/
tegen de gene die met dien beleiden souden willen wercken gehoirt/
wae(r) ende dat de vorderingen dae(re)ntynden gesciede bijden raide/
vander stad ende voertaene datmen den voirs(creven) henr(icke) de voirs(creven) deylinge/
metter quitancien sal reforme(re)n van weerden soe welken tijt de voirs(creven)/
henric den voirs(creven) eedt sal hebben gedaen act(um) in pleno (con)silio febr(uarii) vi[ta] a(nn)[o] liii
Nagekeken door: kristiaan magnus
Moderator: kristiaan magnus
Laatste update:: 2016-03-25 door kristiaan magnus