Tvo(n)nisse vanden gedinge dat voe(r) meye(r) en(de) scepen(en) van/ loven(en) gewijst is tusschen janne va(n) boven die geleit/ is totten goeden also v(er)re die beruerlijc sijn m(ar)grieten/ gheylaerts in deen zijde en(de) woute(re)n meys van/ wave(r) in dande(r) Alse vand(en) haefliken goeden der/ selver m(ar)grieten die de vors(creven) wout(er) meys aensprac/ voe(r) de so(m)me van vier rijd(er)s die hij seyde dat de/ vors(creven) m(ar)griete hem sculdich was en(de) gelooft hadde va(n)/ wyne die de prior van wave(r) tegen hem gecocht/ hadde inden welken de vors(creven) jan va(n) boven meynde dat/ sijn goede niet gehouden en wae(re)n Wert gewijst met/ desen worden na aensprake en(de) v(er)antwerden van beyde den/ p(ar)tien dat de vors(creven) jan [va(n)] boven van alsulken aensp(ra)ke/ als de vors(creven) wouter meys gedaen hadde dat die/ janne van bove(n) hem noch sijne(n) beleide gheen/ ontstade doen en soude p(rese)ntib(us) o(mn)ib(us) scab(inis) dempto m(ichaele) abs(oloens)