Item want jan vanden berghe sone wilen peters als geleit tot/ allen den goeden jouffr(ouwe) katlijnen van bolembeke op heden hadde/ doen inne scriven janne esselen en(de) sijn medeplichte(re)n en(de) janne/ van den nuwe(n)hove die hem ongebruyc deden aen te weten(e) de/ vors(creven) jan van esselen aen hondert hoopen rox xl hopen terwen/ x hoopen gersten xxx hopen even(en) iiii hopen erweten en(de) de/ vors(creven) jan vand(en) nuwenhove aen xx blau cronen iii verdelen/ erweten vi mandelen stroes en(de) xii[c] walme(re)n en(de) de vors(creven)/ p(er)sonen aldaer niet gecompareert en zijn Soe hebben de/ vo(n)nissen d(er) he(re)n scepen(en) va(n) loven(en) t(er) manissen smeyers gewesen/ datmen den vors(creven) janne vanden berghe vand(en) vors(creven) goed(en)/ houden soude inde macht van sijnen vors(creven) beleide also/ v(er)re alst noch voer hen comen is cor(am) eisdem