Tvo(n)nisse vanden gedinghe dat voe(r) meye(r) en(de) scepen(en) van loven(en)/ geweest is tusschen goffarde goffarts geheten le charpenthir/ in deen zijde en(de) rase van crenwijc in dande(r) alse vanden/ vruchten gewassen des was toeghste lestleden twee jaere/ op seke(r) goede des voirs(creven) raes te sint jans gheest gelegen/ hier onder genoempt die de vors(creven) raes tegen arnde/ van geldenake voermaels cochte die de vors(creven) goffart alsdoen/besadt besayt en(de) gewonnen hadde nochtan hadtse hem de/ voirs(creven) raes geheel ontoghen tonrechte also de vors(creven) goffart
//
meynde versueken(en) dat de selve raes hem de helicht vand(en)/ selven vruchten metten stroe dair af comen(de) restitueerde/ meynd(e)n dat hij dat oic also toegeseeght en(de) geloeft/ hadde te doene dair goede lude die tusschen hen/ als sij hier o(m)me stoet hadden dedinghden af te spreken wisten/ dair toe hij hem des gedroegh Op dwelc de vors(creven) raes/ hem verantweerden(de) meynde des inden vors(creven) goffarde/ naden rechte niet gehouden te wesen maer hoepte datme(n)/ bevinden soude dat tghene des hij van vruchten van desen/ goeden op dat jaer mocht hebben getogen dat hij dat/ gedaen hadde alse van sijnen prope(r) oft voe(r) schout/ die de selve goffart hem te dier tijt met scepen(en) br(ieven)/ van loven(en) en(de) anders sculdich was dwelc de vors(creven)/ goffart ontkynde Also dat p(ar)tien hier op in wedersijde/ tot hue(re)n thoenisse gewijst werden bijden he(re)n scepen(en) van/ loven(en) en(de) ten dage dair toe gesedt thoende de vors(creven)/ goffart met goeden ma(n)nen onder ande(r) pointe dat tusschen/ hem en(de) den vors(creven) rase van desen vruchten eene pointinge/ gemaect was dat also v(er)re als raes de vruchten van/desen [dien] jae(r) van desen goeden te hemwert getogen hadde dat/ hij dair af den vors(creven) goffart de helicht wederkeren soude/ en(de) dair toe tgeheel stroe ter taxacien van goede(n) ma(n)ne(n)/ en(de) vort dat aen desselfs goffarts helicht de vors(creven) raes/ nemen soude des hem de selve goffart van zijnen goeden/ sculdich wae(r) en(de) tsurplus soude volgen den vors(creven) goffarde/ bij also dat goffarde dair aen noch cortten soude twee/ ryns guld(en) als voe(r) de helicht vanden gelaghe(n) die/ dair op v(er)droncken wae(re)n gedragen(de) iiii r(yns) guld(en) die/ de vors(creven) p(ar)tien half en(de) half dragen souden Wert/ ten uutersten gewijst bijden he(re)n scepen(en) va(n) loven(en) ter/ manissen smeyers na aensprake v(er)antweerden en(de) thoenisse/ van beyde den p(ar)tien dat de vors(creven) raes den vors(creven) goffarde/ v(er)nuegen soude van desen na dat de vors(creven) waerheit/ verclaert hadde p(rese)ntib(us) o(mn)ib(us) scab(inis) m(ar)tii xx