It(em) her robbeert lonijs priester p(er)soen van cortenaken [renu(n)cians (et)c(etera)] in deen zijde en(de) jan lonijs/ zijn brueder in dande(r) sijn met malcande(re)n eens wordden en(de) overcome(n) alse/ vande(n) versterffenisse in den omberuerlijken goeden hen achter hue(re)n vader bleve(n)/ en(de) den kinsgedeelte geroens wijlen lonijs hue(re)r beyder brueder he(n) aengestorve(n)/ en(de) dat den voirs(creven) gereon v(er)schene(n) was vand(er) doot des selfs wijlen jans/ lonijs huers vaders d(er) pointe en(de) (con)dicien h(ier) nae v(er)claert diese deen den/ ande(re)n voer hen hue(re)n erve(n) en(de) nacomelinge(n) gelooft hebbe(n) volcomelijc/ tacht(er)volgen en(de) eeuwelijc tond(er)houden Yerst hebben beyde de voirs(creven)/ gebruede(re) deen den ande(re)n gekint en(de) gewillecoert dat elc sal blive(n)/ staende op zijn beloop va(n) zijne(n) lantrechte in de leengoede wijlen/ huers vaders alsoe wale va(n) versterften vand(en) voirs(creven) gereon als vand(en)/ voirs(creven) wijlen hue(re)n vader Voirt heeft geconsenteert de voirs(creven) h(er) robbert/ dat de voirs(creven) jan sijn brueder opde geheel goede wijlen hue(re)n [beyder] vader/ alsoe veele in erfco(m)me(r) t(er) quitingen t(er) mynst(er) schaden v(er)coope(n) sal moege(n)/ dat zij beyde gelost w(er)den van al tgeene d(aer) zij wettelijc en(de) dueghdelijc/ voe(r) de selve(n) gereon hue(re)n brued(er) staen te laste sond(er) argelist met/ dier (con)dicien al wairt dat dien last en(de) co(m)mer hoeger gedroege/ dan alsoe vele als des voirs(creven) gereons gedeelte weert was inden/ chijs en(de) eygen(en) goeden te tijde als wijlen zijn vader sterf dat/ nochtan dat aen tkinsgedeelte des voirs(creven) robbeerts inde(n) chijs en(de)/ eygen(en) goeden niet verhaelt en sal werdden m(er) sal dien last alleen/ int gemeyn genome(n) werdden vand(en) gedeelte dat de voirs(creven) wijlen/ gereon hadde inde leengoede wijlen zijns vad(er)s te(n) tijde als hij/ sterf te hue(re)r beyder gelijken v(er)liese alsoe dat des voirs(creven) h(er) robbeerts/ kinsgedeelte inde(n) chijs en(de) eygen(en) goeden alsoe ombelast zijn sal alst/ was t(er) tijt als huerd(er) byder vader aflivich w(er)t hier inne uutgesceyde(n)/ eene(n) sack corens die te berthem zeder dat huer vader starf/ afgequijt es En(de) des sal de voirs(creven) h(er) robbeert t(er) ander zijden tot/ euwege(n) dagen te vreeden zijn en(de) bij desen app(ro)beren alsulker (con)dicie(n)/ als onder de scoutbr(ieven) van zijne(n) vader steet d(aer) uut dbeleyt gedaen/ es d(aer) mede jan vande(n) borchove(n) en(de) goert roelofs te sijne(n) goeden/ geleydt werdden en(de) oft de voirs(creven) gebruede(re) voer den voirs(creven) gereon/ meer stonden dan des voirs(creven) gereons gedeelte dreeght op te manie(r)/ voirs(creven) dan de voirs(creven) gebruede(re) in dat surplus elc staen sal te laste/ voer tgeen d(aer) hij voe(r) gesproken heeft sond(er) deen den ande(re)n d(aer) af/ te bate(n) te moege(n) come(n) cor(am) witte m(er)sberge maii xviii