It(em) henr(ick) pasteel in p(rese)ncia heeft genome(n) en(de) bekint dat hij genome(n)/ heeft va(n) jan de p(ri)ke(re) [en(de) jouff(rouwe) ka(tlij)[ne] vand(en) berge wed(uwe) henr(icx) wile(n) vand(en) berghe met quinte pet(er)s vande(n) b(er)ge sone des voirs(creven) wile(n) pet(er)s en(de) lod(ewijcke) va(n) schoe(n)] als geleit tot de(n) goede(n) pet(er)s wile(n) vande(n) b(er)ghe / i huys en(de) hof met i bogarde en(de) iiii boende(re)n lants gelijc die/ belege(n) zijn inde p(ro)ch(ie) van lynde(n) en(de) d(aer) omtrint Te houde(n) te/ hebbe(n) en(de) te wy(n)ne(n) va(n) halfmeye lestlede(n) eene(n) t(er)mijn va(n) sesse/ jare(n) lang v(er)volgende elcx jaers d(aer)enbinne(n) om viii m(ud)[de] corens/ goet en(de) payabel d(er) mate(n) va(n) loeven(e) met wa(n)ne en(de) veede(re)n wel/ bereyt alle jae(r) tsinte andriesmisse ap(oste)ls te betale(n) en(de) te loeven(e)/ te leve(re)n It(em) noch i bempt gelijc hij d(aer) gelege(n) es te houde(n)/ de(n) t(er)mijn voirs(creven) elcx jaers om v clincarde te xiiii st(uvers) stuc ts(in)te/ m(er)tesmisse te betale(n) q(u)[o]l(ibet) ass(ecutu)[m] It(em) es vorwerde dat de voirs(creven)/ p(ar)tie(n) alle dooft op de voirs(creven) goede wassende jaerlijcx deyle(n) sele(n)/ half en(de) half en(de) de wy(n)ne sal d(er) geleydd(er) helicht te loeven(e)/ leve(re)n d(aer)t hen gelieft It(em) hij sal dese goede binne(n) sijne(n) t(er)mijne/ ii w(er)ve(n) ov(er)mesten en(de) die houde(n) wel en(de) loflijc gelijc reengenote(n)/ bove(n) en(de) benede(n) Te wete(n) de(n) wint(er)aert op iiii de(n) som(er)aert op/ ii en(de) gh(er)ste op iii getidege vore(n) en(de) sal oec te(n) uutgaene/ va(n) sijne(n) t(er)mijne de goede late(n) besayt also hijse vandt te wete(n)/ v dach(mael) viertschoef met rogge besayt i(½) dach(mael) oec met rogge/ tkersele(re)n boender met even(en) tswitshe(re)nhof tott aende ii p(ar)ren met/ even(en) en(de) vande(n) p(ar)re(n) ter h(er)strate(n) weert met ghersten ende/ tcleyn hoefken oec met gh(er)ste(n) en(de) v dach(mael) brake eens o(m)me/ gedaen It(em) sal de voirs(creven) wy(n)ne jaerlijcx leve(re)n xvi bussele(n) walme(re)n/ mede te decke(n) en(de) als me(n) die v(er)dect oft aende huysinge plect va(n)/ oude(n) wercke sal de wy(n)ne de(n) wercliede(n) de(n) montcost geve(n)/ en(de) de geleydde sele(n) de dachuere(n) betale(n) It(em) is noch vorwerde/ dat de voirs(creven) wy(n)ne de huysen houde(n) sal wel en(de) loflijc vand(er)/ ond(er)ster rijkele(n) ned(er)weert op zijne(n) cost It(em) cor(am) jasp(ar) abs(oloens) lynt(re)/ maii xxiii