Cont sij allen heden dat goesen vanden dale molde(r) in p(rese)ncia heeft/ gehuert en(de) bekint dat hij ghehuert heeft jegen lijsbetten weduwe/ goerts wilen borremans en(de) robrechte hae(re)n sone p(ri)us emancip(atus) eene/ watermolen metten huyse en(de) de helicht vanden hove gelegen te/ schore metten stalle aldair tusschen den wouwe(r) der godsh(uys) van vlied(er)beke/ en(de) der vors(creven) weduwen Te houden en(de) te hebben van kersmisse lestleden/ eenen termijn van negen jae(re)n lanc deen na dande(r) sond(er) middel/ volgen(de) elx jaers dae(re)nbynnen o(m)me en(de) voe(r) twee mudden rox/ goet en(de) payabel der mate(n) van loven(en) en(de) twintich silve(re)n pe(n)ni(n)ge(n)/[geheten stuvers] der mu(n)ten ons gened(ichs) he(re)n ts(er)toge(n) alle jae(re) te kersmisse te betale(n)/ der vors(creven) lijsbetten q(u)[o]lib(et) ass(ecutu)[m] Item is vorweerde dat de vors(creven) goesen/ den vors(creven) stal bynnen eenen jae(r) naestcomen(de) stellen en(de) bringe(n) sal opde(n)/ voerhof aldaer en(de) dien stal metten becken(en) rade en(de) molenhuys/ houden voertaen van wande en(de) dake wel en(de) loflic sijnen vors(creven)/ t(er)mijn due(re)nde uutgescheiden van metselrien en(de) die tsijnen/ afscheiden also laten Item sal de vors(creven) goesen de goote liggen(de) tussche(n)/ den wouwe(r) aldaer en(de) de molen boven de eerde houden sijnen/ vors(creven) t(er)mijn due(re)nde wel en(de) loflic Item sal de vors(creven) goessen/[tgerec va(n)]der voirs(creven) molen met alle hue(re)r toebehoerten uutgenomen de molen/ steene tsijnen afscheiden alsoe goet laten ass hijse [hijt] aenveert heeft
//
getaxeert op twintich grypen te xl pl(a)c(ken) tstuc Item want den/ selven goessen gelevert sijn vier molensteene te weten(e) twee/ opde coren molen en(de) twee opde moutmolen tsamen/ ix(½) duymen dick So is vorweerde dat de vors(creven) goesen/ voe(r) tverslijten vanden vors(creven) steenen betalen sal voer/ elcken duym omgaens twee will(e)ms scilde te xx st(uvers) tstuc/ Maer gevielt dat die de vors(creven) goessen beterde en(de)/ ten eynde van sijnen vors(creven) t(er)mijne dicker vielen dan/ sij hem nu ghelev(er)t sijn [te weten(e) ix(½) duym] soe is vorweerde dat de vors(creven)/ lijsbeth en(de) hue(r) sone die beteringe den vors(creven) goessen betalen/ sullen als v(er)volghde schout te weten(e) voe(r) elcken duym/ omgaens twee will(e)ms scilde als voir Item sal de vors(creven)/ goessen aenden molenboem laten tsijnen afscheiden vier/ ysere bande en(de) aenden ande(re)n boem geheten cropelken twee/ yse(re)n bande en(de) aende wyeghe oic twee ijse(re)n banden Item mach/ de vors(creven) wynne goesen dwater houden opde ov(er)ste sluyse aldaer/ van sinte mertens messe tot half merte Item sal de vors(creven)/ lijsbeth behouden hue(re)n uutganc van hue(re)r woeninge(n) aldair/ ter straten weert Item want de vors(creven) goesen geleeght heeft/ aende vors(creven) molen drie pet(er)s eens soe es vorw(er)de/ dat hem die afcortten sullen aen sijn vors(creven) hue(r) ten eynde/ vand(en) ix jae(re)n Vort es vorweerde waert soe dat/ god v(er)hueden moet dat de vors(creven) goesen e(n)nige scade lede/ oft hadde van brande of wat(er) en(de) dat dat toequame/ bijden vors(creven) goesen dat hij die scade oprechten sal moeten/ ter taxacien van goeden ma(n)nen hen des v(er)staende en(de)/ and(er)s niet en(de) alle dese vorweerde(n) (et)c(etera) lynt(re) m(er)sberge/ aug(usti) ix