Item dese guedinghe sal bliven ond(er) scepen(en) va(n) loven(en) te dien eynde dat/ de vors(creven) natuerlike kynde(re) jans wilen cleynaerts voe(r) hen en(de)/ voe(r) janne en(de) gheerde cleynarts gebruede(r) als mo(m)boe(re)n en(de) voergange(re)n/ katlijnen oic natuerlike dochter des selfs wilen jans die hij hadde van lijsbetten/ vander eggen die nu getruwet heeft janne de kale mesmake(r) daer mede zullen/ moegen tot henweert trecken des den selven natuerliken kynde(re)n vanden selve(n)/ wilen janne hue(re)n vader in testamente gelaten en(de) gemaect is Na uutwijsen/ vanden instrumente(n) bij he(re)n arnde cleynarts als notarijs dair op gemaect elc/ van alsoe v(er)re de makinghe hem dient en(de) hem aencleeft Met condicien/ nochtan daire inne ond(er)sproken oft geboerde dat derfgenamen des vors(creven)/ wilen jans oft e(n)nich van dien den vors(creven) janne van haeltert die de vors(creven)/ guedinge gedaen heeft ten ocsuyn van desen goeden oft guedingen yet/ aengewynnen consten metten rechte dat hij ewe alle alsulken last/ als hem dair af comen mochte niet tegenstaen(de) des(er) guedinge(n) mette(n)/ beleyde vors(creven) ond(er) ons lyggen(en) in eene doze verhalen en(de) v(er)reyken sal/ moegen Bij also dat hij de vors(creven) kynde(re) totten verantweerden van dien/ goets tijts sal roepen en(de) hen tselve becly(m)men dat he(n) dair af geboe(re)n/ mochte cundighen Oic sal hij den selven natuerliken kynde(re)n en(de) mo(m)boe(re)n/ vors(creven) elcken also v(er)re alst he(n) bijden voirs(creven) testamente aencleeft alle/ behulp van rechte doen over de have des selfs wilen ja(n)s diese aen/ hem bege(re)n sullen mogen sond(er) zijnen cost oft last eisd(em)