Tvo(n)nis vanden gedinge dat voir meye(r) ende scepen(en) va(n) loven(en) geweest/ es tussche(n) he(re)n ja(n)ne jacops religieux tsgodsh(uys) va(n) ev(er)bode p(er)soen topytte(r)/ hebbende volcomen p(ro)curatie van sijne(n) p(re)late den abdt va(n) ev(er)bode/ voirs(creven) en(de) die dair toe tot [te dese(n)] eene(n) werlike(n) borge sette in desen [te weten]/ diericke de molde(re) in deen zijde en(de) henricke swaus die nae/ den rechte der stad va(n) loven(en) geleydt es totte(n) goede(n) jannes van/ deurne in dande(r) vande(n) omberuerlike goeden die wae(re)n he(re)n/ amelrijcx wijlen jacops priesters brueder des voirs(creven) h(er) jans de/ welcke de voirs(creven) h(er) jan aensprack midts zeke(re)n testame(n)ten/ bijden voirs(creven) sijne(n) brueder gemaict seggende dat hij vand(en)/ selve(n) dair inne v(er)sien was hopen(de) dat hem dair bij de/ goede volgen souden en(de) sculdich wae(re)n te volgen oft dat/ hij met zijne(n) testamente voirs(creven) [des trecht] volgen soude ter plaetse(n)/ dair dat behoirde op dwelc de voirs(creven) henr(ic) swaus tvoirs(creven)/ testament van onwerden houdende meynde dat hem dat/ opdoen egheen onstade doen en soude hem en(de) sijne(n) beleyde/ en souden volgen de voirs(creven) goede want de voirs(creven) jannes/ van deurne een de naeste levende wae(re) vande(n) voirs(creven)/ wijlen h(er) amelrijck alsoe hij seyde nae den lantrechte Wert/ gewijst bije vo(n)nisse der scepen(en) va(n) loven(en) nae aensprake/ v(er)antwerden van beyden p(ar)tien dat de voirs(creven) henr(ic) swaus/ vande(n) voirs(creven) goeden blive(n) soude in sijne(n) beleyde en(de) hadde/ de voirs(creven) h(er) jan met sijne(n) testament yet te volgen dat/ hij dat dat dade t(er) plaetse(n) d(aer) dat behoirde p(rese)nt(ibus) o(mn)ib(us)/ scab(inis) de(m)pt(o) jasp(are) abs(oloens) januar(ii) xix