SAL7347, Act: V°267.1 (438 of 745)
Search Act
previous | next
Act V°267.1  
Act
Date: 1454-02-16

Transcription

2019-12-29 by Magda Van Winkel
It(em) na dat in rechte q(ua)me(n) voir meye(r) en(de) scepen(en) va(n) loeven(en) jan/
hannarde die ond(er) de(n) ande(re)n geleit es tot de(n) goede(n) have en(de) erve jans/
des ouden en(de) robberts va(n) hoeye gebruede(re)n also v(er)re de goede hen v(er)storve(n)/
zij va(n) heilwige(n) die wijf was ja(n)s wile(n) del piere in deen zijde en(de) ja(n) coulon/
die na de(n) rechte d(er) stad va(n) loeven(en) gel(eit) es tot de(n) goede(n) bauduijns va(n) haller/
in dande(r) om tkinsgedeelte vand(er) moed(er) d(er) voirs(creven) gebruede(re)n inde(n) goede(n) bleve(n)/
na de doot d(er) voirs(creven) jouff(rouwe) heilwige(n) d(aer) in de voirs(creven) ja(n) ha(n)nart meynde dat/
bij eene(n) vo(n)nisse onlanx bij scepen(en) van loeven(en) gegeve(n) na dat p(ar)tie(n) hen hadde(n)/
in seggere(n) gesubmitteert en(de) de voirs(creven) baud(ewijn) met (con)se(n)te des voirs(creven) jans also/
wale als dand(er) p(ar)tie voirs(creven) de voirs(creven) gebruede(re) gewijst ware(n) dwelc de/
voirs(creven) ja(n) ha(n)nart meynde dat he(m) nochta(n) gheen onstade doen en soude/
Werdt de voirs(creven) jan coulon also onderwijst na dat tvoirs(creven) (com)p(ro)mis gelese(n) w(er)t/
d(aer) de voirs(creven) jan coulon in genoemt steet en(de) (con)sent hadde gedrage(n) dat hij/
tsvoirs(creven) gedingen afghinck en(de) d(aer) af renu(n)cierde en(de) v(er)teech voe(r) meye(r)/
en(de) scepen(en) van loven(en) inde banc p(rese)ntib(us) o(mn)ib(us) scab(inis) dempto m(ichaele)/
abs(oloens) fe(bruarii) xvi
Contributorskristiaan magnus
Moderated bykristiaan magnus
Last update: 2016-03-25 by kristiaan magnus