SAL7347, Akte: V°226.4 (366 van 745)
Akte V°226.4
Act
Datum: 1454-01-15
Transcriptie
2021-07-19 door Magda Van WinkelTvo(n)nisse vanden gedinge dat voer meye(r) en(de) scepen(en) van loeven(e) gewijst es tussce(n)/
gielijse vander stoet die geleyt es onder den ande(re)n totte(n) haeflijke(n) goede(n) arnts/
en(de) jans ghisels gebruede(re)n in deen zijde en(de) arnde vand(er) heyden woenen(de) te sterbeke/
in dande(r) alse van vi gulde(n) peters die de voirs(creven) gielijs seyde dat de voirs(creven) arnt de(n)/
voirs(creven) twee gebruede(re)n gelooft hadde van eene(n) perde dat hij jegen hem cochte deen/
helicht te sinte mertensmisse en(de) dander helicht te kersmisse beyde lestleden alsoe/
hij boet te thoene(n) hoopen(de) waer hijt ghethoene(n) conste dat hem en(de) zijne(n) beleyde/
volgen soude Dair op de selve arnt vander heyde(n) hem verantwerden(de) hoopte der/
aenspraken ongehouden te wesen en(de) boet zijne(n) eedt ten heylige(n) dat hij de voirs(creven)/
so(m)me ter tijt dat hij tvoers(creven) pert cochte ande(re)n bij consente der voirs(creven) gebrued(ere)n/
hadde gelooft en(de) dien p(er)sone wel betaelt Wert gewijst met dese(n) woerde(n) want/
de voirs(creven) gielijs thoent dat de voirs(creven) arnt tvoirs(creven) gelt te(n)
voirs(creven) t(er)mijne(n) [de(n) voirs(creven) gebruede(re)n] geloefde ende/
nyeman(de) and(er)s en(de) ter tijt als tpert vercocht was dat de voirs(creven) arnt gehoude(n) zijn/
soude de(n) voirs(creven) gielijs de voirs(creven) vi pet(er)s optelegge(n)
p(rese)ntib(us) roel(ants) vync lynt(re) m(er)sb(er)ge ja(nuarii) xv
Nagekeken door: Kristiaan Magnus
Moderator: kristiaan magnus
Laatste update:: 2016-02-29 door kristiaan magnus