Item tvonisse tusschen janne joyart die voe(r) de bewisenisse van/ x(½) hollan(dsche) guld(en) lijfpensien tsijnen live geleit is tot allen den/ goeden g(er)truden wilen vanden eekelhoven in deen zijde ende/ mychiele de becke(re) steenmetsere in dande(r) alse vand(en) goeden hier/ na bescreve(n) Te weten(e) vand(en) huyse en(de) hove metten wijngarde en(de)/ ande(re)n sijnen toebehoerten gelegen tarscot opde bonenwijc aende strate/ geheten de gemeynstrate tusschen de susterkens goede aldair en(de)/ marie van inhouts Item van eenen beempde gelegen inde stoffen(en)/ henricke tribout en(de) des gasthuys goede It(em) [van] eenen beempt gelege(n)/ te langdorp neve(n) de(n) goeden des cloest(er)s van sinte g(er)trud(en) en(de)/ janne peters It(em) van eenen mudde corens erfliker renten/ aen en(de) op seke(r) goede(n) stevens vand(en) rijne terdborne gelegen It(em)/ van eender amen wijns erfs pachts aen(de) en(de) op zeke(r) goede te/ langdorp gelegen tusschen de goede tspersoens van langdorp ende/ jans kynde(re) vander weert Item van eene(n) halven dachmale beemps/ gelegen int gemeyn broec tusschen ja(n)ne boene [en(de)] der jouffr(ouwe) goede/ van potsuynsberghe die de vors(creven) jan yoyart bij machte van/ sijnen vors(creven) beleide hoepte te behouden tot d(er)re tijt toe dat hem sijn/ v(er)loopen lijftocht met cost en(de) co(m)mer betaelt soude wesen en(de) dat hij/ van sijnd(er) vors(creven) lijftocht bewijst soude sijn na inhoudt sijnd(er) brieve/ Dair tegen de vors(creven) mych(iel) dede seggen dat tvors(creven) beleit hem gheen/ ontstade doen en soude bij dien dat g(er)trudt van ekelhoven vors(creven) de selve/ goede hem sijne(n) leefdach lanc in testamente gelate(n) hadde niet myn/ de vors(creven) jan hadde eene(n) tijt va(n) jae(re)n vor de vors(creven) lijftocht in/ handen hadde gehadt den vors(creven) beempt te langdorp gelege(n) den welke(n)/ hij hem al noch p(rese)nteerde te volge(n) sijne(n) leefdach lanc op dat hem/ geliefde oft and(er)s opte hij met sijne(n) vors(creven) testamente te moge(n) gae(n)/ dair dat behoerde Es gewijst met desen wordde(n) eve(n)v(er)re den vors(creven) ja(n)ne/ yoyart [de] p(rese)ntacie des vors(creven) mych(ael) niet en gelief aen te neme(n) dat me(n) den selve(n)/ ja(n)ne dan houd(en) sal inde macht van sijne(n) beleide inde macht vand(en) vors(creven)/ geheelen goed(en) en(de) testame(n)t des vors(creven) mych(ael) late(n) de scep(enen) gae(n) daer dat behoe/ cor(am) o(mn)ib(us) scab(inis) dempt(o) m(ichaele) abs(oloens) ja(nuarii) xxvi