It(em) om de(n) voirs(creven) ja(n)ne vand(er) voirs(creven) schout te(n) t(er)mijne(n) voirs(creven) v(er)nuecht en(de)/ betaelt te werden heeft de voirs(creven) joes ond(er) ons gebracht in een vier/ cante lade eene(n) brief beseghelt vand(er) stad va(n) thiene(n) en(de) vrou johanne(n)/ wilen salig(er) gedachten vand(er) date(n) xiiii[c] en(de) een opde(n) derden dach/ va(n) nove(m)bri spreken(de) vand(er) so(m)me(n) va(n) x s(cellingen) gr(oote) erfliker rinte(n) vallen(de) jaerlijx/ deen helicht xxiiii in m(er)te en(de) dand(er) helicht xxiiii in septe(m)bri toebehoiren(de)/ de(n) voirs(creven) joese midts zijnre deylinge(n) hem jege(n) zijn suste(re)n en(de) brueder/ gebleven gelijc scepen(en) brieve va(n) loeven(en) vand(er) selv(er) deilinge(n) d(aer) op gemaect/ sept(embri) xxiii lib(r)[o] xlviii onder ons dat volcomelijc inhoudt ende begrijpt/ en(de) te dier meyni(n)gen sal de(n) selve(n) brief en(de) deylinge voirs(creven) alhier tot/ behoef des voirs(creven) jans bliven tot dat hij vol betaelt sal zijn va(n) des voirs(creven)/ es Bij also dat nochta(n) de selve jan de(n) voirs(creven) brief altijt alse behoeft/ alhier sal moege(n) halen op goede caucie die wed(er) te bringe(n) om d(aer)/ mede te thiene(n) te trecken en(de) zijn scout te v(er)volgen en(de) den voirs(creven) ja(n)ne/ va(n) des voirs(creven) es v(er)nuecht zijnde salme(n) de(n) voirs(creven) joese beyde de brieve/ ende deylinge laten volgen cor(am) eisd(em)