Tvo(n)nis vand(en) gedinge dat voir meye(r) en(de) scepen(en) va(n) lov(en) geweest/ es tussche(n) jacoppe va(n) eycke pasteybecker in deen zijde en(de) ja(n)ne/ de smet va(n) mechelen die voir meye(r) en(de) scepen(en) va(n) lov(en)/ uut machte van scepen(en) brieve(n) va(n) lov(en) gegoet en(de) geerft/ es in alle de goede o(n)beruerlijcke en(de) erflijke goede baud(ewijn)/ wijlen va(n) buyten en(de) jacops wijlen va(n) orshagen sijns/ behuwede soens in dande(r) alse van xcvi l(i)b(ra) grote die/ voirs(creven) jacop van orshagen seyde dat hem de voirs(creven) jacop/ va(n) orshagen hem wettelijc belanc was daer voe(r) hij/ den selve(n) jacope beyde voir de gulde van des(er) stad/ en(de) oic voir de gulde vand(er) drapperien ind(er) stad va(n)/ mechele(n) v(er)wonne(n) hadde [oic p(rese)nteerde hij te thoene(n) met leve(n)d(er) waerheit seke(r) ke(n)nisse(n) die h(ier) op de voirs(creven) ja(n) smet hadde gedaen] hopen(de) die [des voirs(creven)] aende goede te/ v(er)reycken en(de) soe verre die ov(er)schiete(n) souden bove(n) tghene/ des de voirs(creven) orshagen den voirs(creven) janne smet dueghdelijc/ mocht wesen en(de) dat de voirs(creven) jan de smet die scout/ met sijnd(er) eedt verifice(re)n soude willen op dwelc de voirs(creven)/ jan de smet hem v(er)antwerden(de) meynde dat die aensp(ra)ke/ hem noch sijne(n) scepen(en) brieve(n) gheen onstade doen en soude/ mair p(rese)nteerde sijne(n) eedt te doen van tghene des
//
de voirs(creven) jacob om hem gehouden wae(re) dat me(n) bevinde(n)/ soude alsoe hij seyde vele hoeger gedragende met v(er)clare(n)/ van sijne(n) eede int groetse(n) va(n) sijne(n) gebreke dan de voirs(creven)/ goede werdt souden moege(n) wesen nae de sware lasten van/ lijfpensien en(de) and(er)s dair op [voe(r)] staende en(de) besedt werd gewijst/ met desen woerden nae aensprake v(er)antwerden va(n) beyden/ p(ar)tien datme(n) den voirs(creven) janne de smet houde(n) soude vand(en)/ voirs(creven) goeden ind(er) macht van sijnre guedingen va(n) alsoe v(er)re/ hij sijn gebreck bij sijne(n) eede sal groete(n) en(de) v(er)clare(n) nae/ dov(er)geve(n) dat de selve jan de smet ov(er)gegeve(n) heeft/ p(rese)nt(ibus) o(mn)ib(us) scab(inis) de(m)pt(o) m(er)sberge april(is) iiii[ta]