Item vanden geschillen die vast een wile tijts voerleden gehangen/ hebben tusschen lonijse vanden moere als aenlegge(r) in deen/ zijde en(de) gielijs sanders natuerlic in dande(r) om eenen bosch/ geheten den langenbosch gelegen taerslair wilen jan peters/ toebehoe(re)nde nu den voirs(creven) lonijse also hij seeght die de voirs(creven)/ gielijs gehanteert soude hebben en(de) de proffijten dair aff/ getoghen hebben hen de selve p(ar)tien van dien en(de) des dair/ aencleeft gesubmitteert en(de) verbonde(re)n in segge(re)n en(de) vriendelike/ effene(re)n Te weten de voirs(creven) lonijs in he(re)n en(de) meest(er) wille(m)me/ bont doctor in beyden rechten deken der kercken van sinte/ peters te loven(en) en(de) gerardo van baussele secretar(is) der/ stat van loven(en) en(de) de voirs(creven) gielijs in hillegeerde van holsbeke/ oic secret(aris) en(de) henricke de verme(re) in sulker vueghen/ dat de vors(creven) lonijs sijn aensprake ov(er)gheven sal in gescrifte/ den seggers sijnd(er) wed(er)p(ar)tien tussche dit en(de) sondach naestcomen(de)/ dair op de vors(creven) gl gielijs sijn v(er)antweerden doen sal oic/ in gescrifte en(de) den seggers sijnd(er) wederp(ar)tien bynnen xiiii/ nachten dair nae en(de) dat overgehadt sullen de segge(re)n/ informacie van p(ar)tien zaken het zij van gethuygen te horen/ oft ander ov(er)nemen te henweert en(de) hue(r) uutsprake/ eendrechtelijc doen bynnen xiiii nachten d(aer) nae op dat/ sijs eens sijn en(de) oft sijs niet eens en worden zullen sij/ die saken met allen bescheide overgheven den raide vand(er)/ stat van loven(en) bynnen viii dagen dan dair nae geloven(de)/ wes bijden vors(creven) segge(re)n oft den raide vand(er) stat hier uutgesproke(n)/ sal weerden volcomentlijc te volve(re)n en(de) oft e(n)niger/ p(ar)tien e(n)nige van hue(re)n segge(re)n gebrake in die stat sulle(n)/ sij ande(r) gelike p(er)sone mogen nemen roel(ants) vynck/ ap(ri)lis xiii