Item henric lyebrechts woenen(de) tairscot in p(rese)ncia heeft gehuert en(de)/ bekint dat hij gehuert heeft jegen janne joyaert dieme(n) heet/ kuysken een stuc beemts gelijt dat geleg(en) es inde p(ro)chie van/ arscot ter plaetsen gehete(n) stoffen(en) tusschen den beghijne(n) hove/ tairscot en(de) h(er) henrickx vanden mernartshove(n) prieste(r) Te houd(en)/ ende te hebben van kersmisse lestleden eene(n) t(er)mijn van iiii jae(re)n lanck/ deen nae dand(er) sonder middel volgende elx jairs om vii hollan(sche)/ guld(en) en(de) een vierendeel van eene(n) hollan(sche) guld(en) en(de) iii custbair/ hantkese te kersmisse te betalen(en) quolib(et) ass(ecutu)[m] Item es vorwerde/ dat de voirs(creven) henric den he(re)n tsijs uute(n) voirs(creven) beemde betalen/ sal sonder afslach vand(er) voirs(creven) so(m)men alsoe dat den voirs(creven) ja(n)ne/ dair af gheen scade en come It(em) sal de voirs(creven) dhenric den/ voirs(creven) beemt jairlijcx bevreden wel ende loflijc en(de) alsoe tsijne(n)/ afscheiden dien laten sonder afbreken It(em) sal de voirs(creven) henr(ic)/ alle de v(er)droeghde willigen mogen afhouwe(n) en(de) voir elcken/ een levende poete vand(en) selve(n) aerde setten It(em) en sal de voirs(creven)/ henric gheene willegen mogen truncken sij en sullen iiii jair/ out zijn o(m)me den voirs(creven) vrede mogen te houden en(de) alle dese/ vorwerden (et)c(etera) cor(am) jasp(ar) ab(soloens) vynck maii xvii