Wij lodewijc roelants en(de) jan de witte scepen(en) te loven(e) doen cont/ allen lieden dat voer ons comen zijn jan van uutricht voer/ hem en(de) (christ)ine van uutricht zijnd(er) suster die hij tot des nabescr(even)/ es gelooft en(de) te v(er)vangen en(de) dair wouter roelants diemen heet/ daneels als geleit totten goeden jans en(de) (christ)inen vors(creven) sijn oppen/ baer (con)sent toe gaf in deen zijde henric nylenborch henric/ ketelbuete(re) voer hem henric en(de) m(ar)griete sijn kynde(re) ond(er) hue(r)/ dage wesen(de) die hij geloefde totten nabescreve(n) saken als sij te/ hue(re)n [mu(n)digen] dagen en(de) jae(re)n comen sullen sijn te v(er)vangen jan vand(er)/ bruggen en(de) jan heydemans in dande(r) die stoet tegen malcande(re)n/ hadden o(m)me der omberuerliker goede wille gebleven nade doot claus/ wilen va(n) uutricht vader des vors(creven) jans en(de) (christ)inen en(de) ouder vader/ der ande(re) p(er)sone vors(creven) van wat natue(re)n die sijn mogen buyten der/ stat en(de) vrijheit van diest gelegen inder forme(n) en(de) (con)dicien/ hier na v(er)claert die sij deen den ande(re)n gheloeft hebben voer/ hen en(de) hue(re)n erven en(de) nacomelingen volcomentlic tond(er)houden/ en(de) te voldoene bliven(de) elc vand(er) p(ar)tien vors(creven) op hue(r) behoev/ beloep van rechte alse vanden goede(n) voirg(eruert) bynnen der stat en(de)/ vrijheit van diest gelegen Inden yersten sijn sij ov(er)comen dat/ de vors(creven) henric mylenborch met sijnen medeplichte(re)n alle/ de vors(creven) goede dair questie af was buyten d(er) stat en(de) vryheit van/ diest gelegen sal bliven houden(de) en(de) besitten(de) sond(er) daer aen hem/ vand(en) vors(creven) janne en(de) (christ)ine oft van hue(re)n wegen negheene(n)/ stoet gemaect te wordden tot aen d(er)re tijt toe dat de selve/ jan en(de) (christ)ine oft hue(r) nacomelinghe den vors(creven) henricke mylen/ borch sijnen medeplichte(re)n gegeven en(de) betaelt sullen hebben/ de so(m)me van driehondert en(de) vijfthien lichte guld(en) eens te x st(uvers)
//
tstuc daer mede sij alle de selve goede tenemale lossen sullen mogen/ bynnen sesse jae(re)n naestcomen(de) en(de) negheensins dair nae Welke/ quijtinge gedaen sijnde sullen de vors(creven) henric mylenborch en(de) sijn/ medeplichte(re)n ghehouden zijn den voirs(creven) janne en(de) (christ)inen van/ alle den vors(creven) goeden guedinghe en(de) vestich(eit) te doene tot allen/ plaetsen daer des van noode mocht wesen op cost des/ gheens die naden rechte vand(er) plaetsen dair inne gehoude(n)/ is en(de) oic ov(er)tegheve(n) alle brieve(n) en(de) vestich(eit) die zij ond(er)/ mogen hebben desen goeden aengaen(de) thue(re)r eedt met vor/ weerden dat [oft] de selve jan en(de) (christ)ine e(n)nige vand(en) selven/ goeden verchco vercochten o(m)me de vors(creven) so(m)me daeraen alle oft/ in deels te maken dat zij die lants coeps gheven zullen moge(n)/ nade gelegenth(eit) vand(er) plaetsen daer die liggen en(de) dan/ sullen de vors(creven) henric mylenborch en(de) sijn medeplichte(re)n/ de guedingen en(de) vestich(eit) dair af ho gehouden sijn te doene/ ofs behoefde bij also dat zij de pe(n)ningen dair af comen(de)/ altoes trecken souden in afslaghe der so(m)men vors(creven) Item de/ vors(creven) henric mylenborch en(de) sijn medeplichte(re)n hebben den/ vors(creven) janne en(de) sijnd(er) suster geloeft dat de vors(creven) goede also/ ombelast zijn va(n) hue(re)n wegen als die wae(re)n t(er) tijt als de/ vors(creven) wilen claus dair uut v(er)sterf Oic es besproken dat/ alsulken erfvorweerde als gemaect is bijden vors(creven) henr(icke)/ en(de) sijnd(er) medeplichte(re)n met pauwelse steke als van/ eenen boend(er) lants gelegen inde p(ro)chie van halen te loxberge/ goet en(de) van weerden bliven sal en(de) wes vand(en) selven pauwelse/ bij he(m) gehave(n) es dat sullen zij den vors(creven) janne en(de)/(christ)ine cortten aende so(m)me vors(creven) junii vii