Item de vors(creven) reyne(re) my(n)nincx heeft geloeft den vors(creven) weyne/ en(de) jane sijn kynde(re) in dien te hebben en(de) soe te v(er)vane dat zij/ doen zullen de bedevaerden hier na volgen(de) voe(r) den dootslach/ en(de) in beternissen d(er) sake(n) vorg(eruert) Inden yersten sullen zij bynnen/ xl dagen naestcomen(de) en(de) elc van hen porren en(de) doen een bedev(ar)t/ ten heyligen bloede te wiltsenaken en(de) dan aldaer yegelic/ van hen in elcke hant offeren een keerse van eene(n) ponde/ was en(de) als sij van dair comen sullen zijn dat dan de/ vors(creven) weyn en(de) sijn brued(er) en(de) elc van hen porren sal ende/ doen tusschen dat en(de) bamisse dair nae volgen(de) Te weten/ de vors(creven) weyn eenen wech te roemen en(de) de vors(creven) jan eene(n)/ wech te meylanen en(de) van elcken van dese bedevarden/ goede waerheit bringen na des(er) stat recht eisd(em)