It(em) librecht vand(er) haghen in deen zijde en(de) librecht/ vand(er) haghen sijn sone in dande(re) sijn met/ malcande(re)n eens worden de condicie(n) h(ier) na bescr(even)/ va(n) alsulken gescille als sij underlinge hadden/ Inden yersten heeft de voirs(creven) libr(echt) de jonge/ den voirs(creven) sijne(n) vader volcomelijc quijtgescoude(n)
//
van dien dat hij hem geloeft hadde af te quijte(n)/ alsulken xiii rijders als wout(er) beetsen jairlijx/ heeft opt goet des voirs(creven) liebr(echts) des jonghen te/ wave(r) gelegen en(de) mids dien heeft geloeft/ de voirs(creven) liebr(echt) de vader den voirs(creven) liebr(echt) sijnen/ sone dat hij de voirs(creven) rente sond(er) cost oft/ last sijns soens bet(alen) sal jairlijx also lange/ als de voirs(creven) vader en(de) jouffr(ouw) lijsbet sijn/ wijf leve(n) selen en(de) de leste va(n) hen beyden/ leven sal en(de) na hue(re)r beyder doot sal/ de voirs(creven) sone hebbe(n) in vergoetsingen vanden/ voirs(creven) rente(n) van sijns vaders vercregen goeden/ also vele als de pe(n)ni(n)ge vande(n) afcoepe/ der voirs(creven) renten metten pachte gdragen t(er)/ taxacie(n) vander wet d(aer) die liggen geloven(de)/ de voirs(creven) p(ar)tien malcande(re)n h(ier) af genoech/ te doen en(de) warant te sijne kersmak(ere) abs(oloens)/ oct(obris) ix