SAL7348, Act: R°165.2-V°165.1 (298 of 663)
Search Act
previous | next
Act R°165.2-V°165.1  
Act
Date: 1454-11-30

Transcription

2019-05-10 by Jan Boncquet
It(em) aengehoirt den stoot die was tusscen janne coulon en(de) zijne(n)/
wive die mette(n) gheestelike(n) rechte gesceyde(n) zijn metgaders/
janne [vacat] zwagher vande(n) wive des voirs(creven) jans om der/
goede(n) wille gecome(n) vander zijden claes wile(n) va(n) kessele vad(er)/
des voirs(creven) jans wijf en(de) oec die zij selve metter hant/
heeft desgelijx van dat de voirs(creven) jan coulon de(n) voirs(creven) zijne(n)/
swagher in trecht verwonne(n) hadde voir gebrec va(n) waerscape/
vand(er) helicht va(n) drie m(ud)[de] corens erflic d(aer) af de voirs(creven) jan/
coulon de guedinge hadde en(de) de voirs(creven) wile(n) claes de gelofte/
va(n) genoechdoene hadde gedaen Es get(er)mineert dat/
des voirs(creven) jans wijf en(de) hue(r) zwagher de(n) voirs(creven) ja(n)ne/
coulon bet(alen) sele(n) x clincarde tstuc te xiiii st(uvers) te wete(n)/
deen helicht d(aer) af te liechtmisse naestcomende en(de) dand(er)/
helicht te paessce(n) d(aer) na volgen(de) En(de) midts dien sal de/
voirs(creven) jan zijn voirs(creven) wijf en(de) hue(r) goede het zij lijfrente(n) oft/
have die zij heeft oft v(er)crige(n) mach desgelijcx de(n) voirs(creven)/
ja(n)ne zijne(n) zwage(r) voirtane ongemoeydt laten hier
//
inne v(er)sien dat de voirs(creven) jan blive staende op zijn beloop/
om zijn voirs(creven) wijf oft hij na rechte can int gheestelike/
jege(n) de voirs(creven) sceydinge te v(er)volge(n) om d(aer)entynde(n) te gesciene/
des recht wisen sal act(um) in pleno (con)silio p(enu)lt(ima) no(vem)[br(is)]
Contributorskristiaan magnus
Moderated bykristiaan magnus
Last update: 2016-10-25 by Xavier Delacourt