Item peter vander roeren sone wilen henricx woenen(de) te ned(er)lyntere/ in p(rese)ncia heeft genomen en(de) bekint dat hij genomen heeft van/ willem(me) couwens meye(r) jonch(e)r wout(er)s van elde(re)n te kersbeke/ thof des selfs jonch(e)rs gelegen te kersbeke mette(n) woeni(n)ghen huysen/ hoven wynnen(de) lande beempden eeuselen en(de) allen ande(re)n sijne(n) toebehoerte(n)/ / uutgescheiden den have(re)n beempt den selven hove toebehoe(re)nde dair/ inne de vors(creven) wynne gheen recht behouden en zal Item heeft noch/ genomen de vors(creven) wynne tgedeelte vand(er) thienden van kersbeke/ so v(er)re dat den vors(creven) jonch(e)r wout(ere)n toebehoert Te houden te/ hebben en(de) te wynnen van halfmerte lestleden eenen t(er)mijn van/ seven jae(re)n lanc deen na dande(re) sond(er) myddel volgen(de) elx/ jae(r)s dae(re)nbynnen de vors(creven) wynnen(de) lande o(m)me en(de) voe(r) liiii(½) sacke/ corens goet en(de) payabel d(er) maten van thienen en(de) pacht van kersbeke/ en(de) de vors(creven) beempde en(de) eeuselen om liiii gul(den) hol(lansch) van goude/ goet en(de) gheve oft de weerde dair voe(r) in ande(re)n goeden gelde/ en(de) tghedeelte vand(er) vors(creven) thienden om vii gul(den) holl(ansch) gelike/ alle jae(re) tvors(creven) coren ts(int) andriesmesse apostels en(de) tvors(creven) gelt/ tsinte mertens messe vallen(de) te meye te betalen en(de) tvors(creven)/ coren te soerbeempde int hof des vors(creven) jonch(er) wout(er)s te/ leve(re)n den selven jonch(er) oft den vors(creven) wille(m)me couwens quolib(et)/ ass(ecutu)[m] met vorweerden dat de vors(creven) wynne de vors(creven) lande/ wel en(de) loflic wynnen werven en(de) mesten sal gelijc reenge/ noeten boven en(de) beneden en(de) die also laten tsijnen afscheiden/ want hijse also vant te sijnen aencomen It(em) sal de vors(creven) wy(n)ne/ den wynteraert van dien jae(re) besaeyt laten gelijc reengenoten/ de brake en(de) de stortte eens om gedaen En(de) alle de vorw(er)den/(et)c(etera) Hier af sijn borgen des vors(creven) wynne ongesund(er)t en(de) o(n)verscheid(en)/ en(de) elc voir al henric matheus sone wilen henricx willem/ roerkens sone wilen willems beyde van ned(er)lynte(r) henric/ vand(er) roeren geheten vand(er) bruggen sone wilen arnts van/ gheetbeetse Et p(ri)m(us) kersmake(re) opp(endorp) roel(ofs) aprilis p(ri)ma