SAL7348, Act: R°51.1-V°51.1 (88 of 662)
Search Act
previous | next
Act R°51.1-V°51.1  
Act
, en de goeden
Date: 1454-07-23

Transcription

2020-02-25 by Jan Boncquet
It(em) want gord hanckart als geleit tot de(n) goede(n) gorts de raet op de(n)/
dach va(n) heden hadde doen insc(ri)ve(n) jan va(n) heymerimez gheert scoesittere/
daneel va(n) hupain wout(er) va(n) hemerymez jan vande(n) wouwe(re) en(de) willem(me)/
vande(n) veken(en) rintmeest(er) te gheldenake(n) die hem ongebruyckich maeke(n) de/
goede h(ier) na bescr(even) tot welke(n) dage nyema(n)t come(n) en es So hebbe(n) de he(re)n/
scepen(en) va(n) loeven(e) t(er) manissen smeyers gewijst voe(r) een vo(n)nisse dat men/
den voirs(creven) gord vande(n) voirs(creven) goede(n) houde(n) sal inde macht van zijne(n)/
beleyde voirs(creven) soe v(er)re dat noch voir hen come(n) es cor(am) om(n)ib(us) scabinis/
dempt(is) roel(ofs) velde julii xxiii/
Dit zijn de goede/
Inden yersten houdt jan van heyme(r)meys de goede h(ier) nae bescr(even) te een boend(er) en(de)/
een dach(mael) lants tussce(n) den goede des rintmeest(er)s va(n) geldenake gelege(n) in beyde(r) zijde(n)/
It(em) tderdel van eene(n) boend(er) lants tussce(n) den goeden he(re)n jacops va(n) wandegnies ridd(er)s/
en(de) den goede(n) des selfs jans It(em) een half dach(mael) lants tussce(n) de(n) goede(n) des helichs/
geest van hupain en(de) den selve(n) ja(n)ne It(em) een dach(mael) lants tussce(n) de(n) goede(n) des/
selfs helichs geest en(de) den outaer der t(ri)niteit va(n) s(en)te jans te nijle It(em) drie/
dach(mael) lants tussce(n) den goeden her jacops va(n) wandegniez en(de) rencho(n) de mollebaix/
It(em) noch viii roeden lants op mollebaixvelt tussce(n) her jacoppe voirs(creven) en(de) willem(me) vanden/
veken(en) It(em) noch d(aer) bij i(½) dach(mael) lants tusscen den goede(n) he(re)n jacops waendegnies ridd(er)s/
en(de) d(er) kerken van sinte medaerts te geldenake Ite(m) drie dach(mael) beemps in twee/
stucken gelege(n) Te wete(n) deen stucke t(er) plaetsen geheete(n) te s(en)te m(er)tens borne/
geleg(en) tussce(n) de(n) rintmeest(er) voirs(creven) en(de) den he(r) van chantrain en(de) dand(er) stucke/
tussce(n) den rintmeest(er) voirs(creven) en(de) den goeden des heylichs geest van hupain/
It(em) noch i(½) dach(mael) lants tussce(n) den heylige(n) geest va(n) hupain luttel myn oft meer/
gelege(n) bijden wech gaen(de) va(n) hupijn te geldenake w(er)t tussce(n) den heylige(n)geest va(n)/
hupain in deen zijde en(de) de rameye ja(n)ne van duffle It(em) noch i stuck la(n)ts/
gelege(n) opde(n) voirs(creven) wech houden(de) een derdeel va(n) eene(n) boend(er) tussce(n) den/
heylige(n)geest va(n) hupain voirs(creven) in deen zijde en(de) de rameye va(n) mollebaix/
in dande(r) It(em) gheert de scoesitte(re) heeft te pachte drie boend(er) lants en(de) een/
half in twee stucken gelegen d(aer) af deen gelege(n) es acht(er) heymerimeys/
houden(de) ix dach(mael) tussce(n) jacoppe va(n) opgeldenake geleg(en) Ende dand(er) stuck/
houden(de) v dach(mael) geleg(en) opde(n) wech gaen(de) va(n) groot mollebaix te s(en)te pet(er)s/
mollebaix tussce(n) jacoppe va(n) opgeldenake en(de) den voirs(creven) wech It(em) wouter va(n)/
heymerimeys houdt te pachte een panhuys tusscen den rintmeester/
voirs(creven) en(de) h(er) jacoppe van waengniez geleg(en) Item jan vanden wouwe(re)
//
heeft te pachte een dach(mael) lants lants luttel myn oft meer geleg(en) opte(n) wech/
gaen(de) van beauleer te chantrain tussce(n) den goede(n) des he(re)n van chantrain/
en(de) d(er) kerken va(n) s(en)te medaerts voirs(creven) Item willem vanden veken(en) heeft te/
pachte x dach(mael) lants geleg(en) opt velt geheete(n) a joncquoye tusscen willem(me)/
voirs(creven) te beyden zijden Item noch i stuck lants houden(de) vii dach(mael) lants/
gelege(n) opden wech gaen(de) van hupain te heddengniez wert tussce(n) willem(me)/
voirs(creven) en(de) den outaers d(er) triniteit vand(er) kerken van s(en)te jans te ludick It(em)/
daniel van hupain houdt te pachte vii dach(mael) lants gelegen opt velt/
aenden bosch van beauler tusscen m(ijn) hee(r) van chantrain willem(me) vand(en) veken(en) en(de)/
d(er) kerken van s(en)te medarts voirs(creven) It(em) noch i dach(mael) lants gelege(n) benede(n)/
scapers bossch tussce(n) den selve(n) bossch en(de) den heyligen gheest van hupain
ContributorsJan Boncquet
Moderated byGreet Stevens
Last update: 2016-10-19 by Xavier Delacourt