Item de vors(creven) margriete heeft geloeft barbelen hue(re)r dochter vanden vors(creven)/ goeden te goeden en(de) te vestighen nade doot des voirs(creven) jans huers/ brueders in eene herberghe metten huysen hove en(de) allen sijnen toebe/ hoirten geheten de lyelie gelegen te londersele tegen over der herb(er)ge(n)/ geheten den horen alsoe dat hue(r) en(de) hue(re)n erven de selve h(er)berge/ toebehoe(re)n zal behoudelijc der selver m(ar)garieten d(er) moed(er) hue(re)n/ tocht hue(r) leefdach lanc due(re)nde oftse den vors(creven) hue(re)n brueder/ overleefde en(de) hier mede sal de vors(creven) barbele uutbliven van alle/ den goeden des vors(creven) jans huers oems niet meer te deylen cor(am)/ eisd(em)