Item het sijn comen in rechte voe(r) meye(r) en(de) scepen(en) van loven(en) jan/ de lornoit in deen zijde en(de) jouffruwe yde weduwe collarts wilen/ van bouvines in dande(re) aldaer de vors(creven) jan der vors(creven) jouffr(ouwe) aensprac/ seggen(de) dat zij hadde met scepen(en) brieve(n) van loven(en) op zijn goede/ te torrebaix ghelegen sesse guld(en) rijd(er)s erfliker renten vallen(de)/ alle jae(re) ts(en)t(e) jans messe die jan wilen m(ar)thijn hue(r) daer op/ vercochte mits eenen beleide van scepen(en) brieven van loven(en) dat/ hij op sijn goede hadde dair af de guedingen geschiede x daghe in/ junio anno xiiii[c] xxxix welke vi rijd(er)s erflic de vors(creven) jan/ seyde dat hem de vors(creven) jouffr(ouwe) vercocht hadde oft geconsenteert/ te mogen afleggen inder manie(re)n hier na volgen(de) Te weten(e)/ dat hij voer elcken pe(n)ninc na inhoudt der brieve voirg(eruert)/ staende te quijten(e) den pe(n)ninc met xviii d(enieren) soude moeten quijten/ met xx en(de) gheven alle jae(re) x rijders tot die gheheel so(m)me van/ hondert en(de) xx rijd(er)s betaelt souden wesen due(re)nde de selve t(er)mijne/ also twelf jae(r) o(m)me Welcke vorweerde geschiede te name(n)/ des was omtrent sint jansmesse lestleden twee jaer inden/ huyse willems gobbijns die getruwet heeft der vors(creven) jouffr(ouwe) yden/ dochter dochter en(de) dair was gevorweert dat de vors(creven) jan der/ vors(creven) jouffr(ouwe) yden vanden vors(creven) payemente doen soude goede loflike/ vestich(eit) bynnen der stat van namen en(de) dat de vors(creven) brieve vand(er)/ principaelder renten souden wordden geleeght in sekerder hant/ totten eynde dat der vors(creven) jouffr(ouwe) yden de vors(creven) paymenten/ volcomentlic wae(re)n voldaen en(de) dat dit waer was en(de) aldus/ geslooten dat de vors(creven) jouffr(ouwe) yde totten sluyten van desen hue(r)/ consent gaff soe bij hue(r) selven soe bijden vors(creven) wille(m)me gobbijn/ dien zij ind(er) saken laste en(de) diens sij seyde dat zij te bynnen/ was wes hij dair mede dade dat boet de vors(creven) lornoit te/ thoenen boodt vorts te thoenen dat hie(re)nboven de vorscr(even)
//
jouffr(ouwe) yde uut machte van hue(re)n vors(creven) scepen(en) brieve(n) niet letten(de) opde/ vors(creven) coepmanscap sijn goede voer de vors(creven) rente veronderpant hem/ metter stat rechte hadde doen leve(re)n en(de) meer ande(re) vordernisse(n)/ opden grondt der selver gesocht en(de) gedaen Hoopen(de) waer hij/ die pointe gethoenen conste dat de vors(creven) jouffr(ouwe) yde hem gehoud(en)/ soude sijn die vors(creven) coepmanscap te houden ho en(de) dair af/ inne te stane p(rese)nterende des hue(r) vanden vors(creven) paymente(n)/ gevalle(n) wae(r) opteleggen en(de) te betalen Op dwelc de vors(creven)/ jouffr(ouwe) hue(r) verantworden(de) ontkinde dat de vors(creven) coepmanscap/ opde manie(re) vors(creven) geslooten soude zijn meynen(de) dat de voirs(creven)/ jan dat ny(m)mermeer thoenen en soude en(de) seyde dat zij uut/ ocsuyne van des(er) renten beyde bijden hee(r) vanden leene daer/ men so(m)mege van hue(re)n ond(er)pande(n) houden(de) was ende/ mits quader betalingen groete laste hadde ghehadt en(de) al wart/ dat de vors(creven) jan vand(er) vors(creven) coepmanscap yet gethoenen/ conste so soude men nochtan bevinden dat gevorwert was/ evenverre dat de vors(creven) jan hue(r) negheene vesticheit/ vander vors(creven) so(m)men bynnen eenen cortten besproken(en) en(de) ov(er)leden(en)/ daghe en dade dat dan de vorweerde(n) niet sijn en soud(en)/ Meynen(de) oic dat al wart soe dat coepmanscap wae(r) soe soude/ hue(r) nochtan hue(r) brieve in handen bliven en(de) men soude/ jaerlix de betalinghe die jan doen soude teken(en) op den rugge/ der vors(creven) brieve hoopen(de) bij desen der aenspraken onge/ houden te sijne en(de) dat hue(r) aen hue(r) scepen(en) brieve noch/ aen hue(re)r leveringen vorg(eruert) die aensprake naden rechte gheen/ ontstade doen en soude noch sculdich en wae(r) te doene Also/ dat hier op p(ar)tien met scepen(en) vo(n)nisse tot hue(re)n thoenisse werde(n)/ gewijst daer ten daghe tot dien diende [dienen(de)] de vors(creven) lornoit/ volcomentlic thoende des hij hem in sijnd(er) aenspraken vors(creven)/ hadde vermeten Ende also na aensprake v(er)antwerde thoenisse/ en(de) alligacie van beyde den p(ar)tien wert ten uut(er)sten bijden/ he(re)n scepen(en) van loven(en) ter manissen smeyers gewijst voer/ een vo(n)nisse dat de voirs(creven) p(ar)tien vand(er) vors(creven) coepma(n)scap/ malcande(re)n genoech doen souden na dat de waerheit gedrag(en)/ hadde der vors(creven) jouffr(ouwe) yden van hue(re)r leveringen opt/ beloep vand(en) rechte bliven(de) p(rese)ntib(us) o(mn)ib(us) scab(inis) oct(obris) v