Item alsoe als voe(r) den raide vander stat vast veele handelinge gewest/ is tusschen he(re)n janne hee(r) van longhcamp ridde(r) bailliu vanden/ walschen braban(t) ter eend(er) zijden en(de) lenarde hannarde ter ande(re)/ o(m)me dat de vors(creven) bailliu onlanx voerleden den vors(creven) lenarde/ gevangen gevoert hadde uuter banc van geldenake onder den/ rechte vanden hoetvo(n)nisse van loven(en) op tslot van genepien/ dair e(n)nige vanden diene(re)n des selfs baillius vanden haeflike(n)/ goeden des vors(creven) lenarts aenveert hadden twee scalen die/ de vors(creven) lenart versocht hadde en(de) versochte gerestitueert/ te hebben en(de) vorts opgheleeght alsulke costen van rechte/ te weten(e) van scriven van brieven en(de) bodenloen als hij int/ v(er)volgen uutgeleeght hadde o(m)me wedergelevert te wordden/ inde banc dair hij aengetast was naden lantrechte en(de) aldaer/ aengesproken vand(er) opticht dair mede de vors(creven) bailliu hem/ hadde beteghen en(de) dair voe(r) hij gevangen hadde geweest/ getragen(de) totter so(m)men van xl stuv(er)s Soe es op heden bijden/ vollen raide vand(er) stat aengemerct en(de) gewogen alle de reden(en) die/ de vors(creven) p(ar)tien hier toe gelieft heeft te seggen en(de) te alligeren get(er)mineert/ en(de) ov(er)dragen dat de vors(creven) bailliu gehouden zijn zal den vors(creven) lenarde/ sijn vors(creven) scalen te resitute(re)n en(de) voer sijn costen de vors(creven) xl stuv(er)s/ op te leggen en(de) vort den vors(creven) lenarde inde banc dair hij/ aengetast was aentespreken vand(er) ticht dair voe(r) hijten hadden/ doen w vangen bynnen drie weken naestcomen(de) tot alsulke(n)/ gelegen(en) dage als hij den vors(creven) lenarde bynnen den vors(creven) iii weken/ gelieven zal den vors(creven) lenarde drie dage te voren te beteken(en)/ Tot welken dage de vors(creven) lenart als dan oic geloeft heeft/ te comen oft dien tijt overleden soude hij vander selver ticht/ ongehouden bliven dwelc den vors(creven) bailliu gecundicht wert/ metter stat beslooten(en) brieven die janne robbert zijnen diene(r)/ wordden gegeven Act(um) in pleno (con)silio oct(obris) v