Wij lodewijc roelofs ende arnt vanden velde scepen(en) te loven(en)/ doen cont allen lieden dat voer ons comen zijn lodewijc mathijs/ diemen heet van schore die naden rechte der stat van loven(en) comen/ en(de) beleit es tot den goeden jans wilen van finevail in deen/ zijde en(de) jouffr(ouw) jehanne weduwe des vors(creven) wilen jans in/ dande(re) kynnen(de) en(de) lijden(de) dat zij bij raide en(de) middel van/ hue(re)n vrienden eens wordden zijn alse vander pachtinghen der/ goeden toebehoe(re)nde den godshuysse van hausstieres dewelke de/ vors(creven) wilen jan eenen termijn van xviii jae(re)n genomen hadde/ dair af den termijn inneghinc ts(en)t jans messe xiiii[c] en(de) vijftich/ der vorweerden en(de) condicien hier na bescreven Inden yersten/ heeft de vors(creven) jouffr(ouw) johanne overgegeven en(de) gheeft over den/ vors(creven) lod(ewijcke) van schore de pechtinge also die den vors(creven) jan wilen/ van finevail genomen hadde tegen tvors(creven) godshuys van haustieres/ en(de) alle trecht dat sij dair inne hebben mach o(m)me die/ te hebben en(de) te behouden due(re)nde den tijt vand(er) selver met/ allet ghene dat daer aen cleeft quijtscelden(de) alle trecht/ dat zij dair aen hebben mach Ende mits desen sal de vors(creven) lod(ewijc)/ van schore te sijnen laste afleggen en(de) cuelen alsulken vijff/ rijders lijftochten staende aende jouffr(ouwe) vanden berghe en(de) dair voe(r)/ de vors(creven) lodewijc bertelmeeus de hont en(de) gielis delle van/ wegen des vors(creven) wilen jans verbonden staen also dat de vorscr(even)/ jouffr(ouw) joha(n)ne hue(r) goede en(de) hue(r) ande(r) borgen vors(creven) dair aff/ vortane ombelast bliven Item want ind(er) rekeni(n)gen tusschen/ den vors(creven) lod(ewijc) van schore en(de) der weduwen gemaect bevonden/ es dat de vors(creven) weduwe den vors(creven) lodewijcke sculdich en(de) tacht(er)/ es de so(m)me van xlvii rijders uut ocsuyne van achterstelle/ der vors(creven) lijftocht en(de) anders so heeft sij geloeft den vorscr(even)
//
lodewijke die te betale(n) Te weten tderdeel d(aer) af binne(n) jaers naestcomen(de)/ tderdeel d(aer) af binne(n) jairs naes d(aer) nae volgen(de) en(de) tderdeel binne(n) jairs/ dat d(aer) nae come(n) sal q(u)[o]lib(et) ass(ecutu)[m] Behoud(elic) oft de voirs(creven) bertelmeus/ oft gielijs va(n)den voirs(creven) ja(n)ne van finevail uut saken vand(en) voirs(creven) lijftocht/ yet gehave(n) hebbe(n) dat hue(r) dat aen de selve so(m)me tafslage comen/ sal en(de) t(er) vestich(eit) van dese(n) sal de voirs(creven) lodewijc i(n) sijne(n) hande(n) behoude(n)/ dbeleit dat hij heeft opte goede des voirs(creven) wijle(n) jans sond(er) yet/ voird(er) d(aer) mede te wercken Item sal de voirs(creven) lodewijck inne staen/ den he(re)n vande(n) voirs(creven) goidshuyse en(de) den wynne(n) vande(n) voirs(creven)/ goeden va(n) alle(n) voirweerde(n) en(de) gebreke(n) d(aer) inne de voirs(creven) weduwe/ aen hen gehoude(n) mocht sijn uut ocsuyne d(er) pechtinge(n) voirs(creven)/ oft scaden die hen d(aer) uut geresen wae(r) oft gerise(n) mochte en(de) d(er)/ voirscr(even) jouffr(ouwe) d(aer) af ontlasten Item desgelijcx sal hij gestentich/ en(de) van weerden houde(n) de comenscap die div(er)se p(er)sone wy(n)nen/ oft laten vand(en) voirscr(even) goede(n) aend(en) voirscr(even) ja(n)ne oft d(er) voirs(creven) jouffr(ouwe)/ voer dese(n) dach gedaen moege(n) hebbe(n) [en(de) d(aer) af sij hue(re)n eet soud(en) wille(n) doen] alse van pachte aftecoepen/ die valle(n) sal ts(in)t andriesmisse naestcomen(de) gedragen(de) tsame(n) t(er) so(m)men/ van lx mudden corens eens d(aer) af de voirs(creven) jan oft jouffr(ouw) joha(n)ne de/ pe(n)ningen hebbe(n) getogen sond(er) den selve(n) laten d(aer) af yet te moege(n)/ eysscen Item alle tchijse en(de) rinte(n) vand(en) goede(n) des voirs(creven) goidshuys gevalle(n)/[voer dese(n) dach] en(de) die voertaen vallen selen ombetaelt uutstaende selen volge(n)/ den voirscr(even) lodewijke mits der pechtinge(n) voirscr(even) Item sal oic/ volgen den voirscr(even) lodewijke alsulken preste van xl pet(er)s als/ die wynne onderheeft en(de) sculdich es te betale(n) ten dage(n) d(aer)/ toe gestelt Welke pointe alle en(de) yegewelke voirs(creven) de voirs(creven)/ p(ar)tijen geloeft hebben malcande(re)n te voldoen en(de) gestentich te/ houden alsoe v(er)re alst elken aencleeft talle(n) tijden als die/ geboe(re)n en(de) valle(n) selen alle fraude en(de) argelist h(ier) inne uutgesceid(en)/ oct(obris) xii